MIKA 7:9 - AMÜSÜH HÜM CL Bible (BSI)

⁹ Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

MIKA 7:9 Iomraidhean Croise

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

JOB HU H T ANYU 23:10

Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

JOB HU H T ANYU 35:14

Nünü api müngü de thatha she thiyuro api miki lah, tüsho nü a api aleangbeah!

MUNGSHIKHÜN 119:154

I dünkheak tsungdojang tüsho I rhokhitang; nü yu yande I thsüphulojang.

MUNGSHIKHÜN 37:6

Apinü nü alim mütsankhi ayin nangde, tüsho nü alim animuro nangde hande arübah.

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

MUNGSHIKHÜN 7:6

O Atungpuh , nü bukakhiukkhi ching asürang, I riribo bukmüshakkhi azhihde nü jukmusuang; asürang, O I Thrünpuh; nünü mahkhap khülang thsakhamlah.

MUNGSHIKHÜN 94:15

Tüshe mahkhapkhi ju thiyuro-lungki lim rholochoh, tüsho mulong ching lungkirü alalanü ju yanbah.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 42:7

müktukrü mük khimshuhpü, amiting rihyam chingnü aramrü bekhitpü.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

ISAIA 56:1

Atungpuhnü ha thachoh: Thiyuro zoang, tüsho alungki rhimoang, tümüde I akhümkhit nahde arübah, tüsho inü thiyurolungki akhiuka huhbah.

JEREMIA 10:19

I yurikhi dünkheaknü I ayokhe! I mü mütsüdak. Tüshe inü tha, “Tsükjide ha I thsümüchi lah, tüsho inü arümbeah.”

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 51:10

Atungpuhnü isa thiyuro handarüdo; arang, isanü Atungpuh isa Thrünpuh rhimo Zion ching thaanü.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

LEVI 26:41

tüsho inü nüsa azhihkhi hode nüsabo thiriri lo ching hande yükhea; nüsa mulong tsütamübahkhi azhihayihde kamsho, tüsho nihbuh neak le azhihde atsahkhi thsüphulosho,

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!

1 SAMUEL 24:15

Jumonü Atungpuhnü mahkhapshang, tüsho ike dükeak alim jihshang. Apinü ju kheahshang tüsho I kheak muzhode I nü khah chingnü khümkhitshang.”

1 SAMUEL 25:39

Küyimki Nabal shekhi Davidnü asokhea, apinü tha, “Nabalnü I kheak mükhemürangkhi dünkheak mahkhapkhi tüsho api yamlarü amütsü rhimo chingnü atukloshihbuh Atungpuh shiang; Nabalnü amütsü rhimokhi Atungpuhnü aku kheak yihkihlojihdo.” Judüki Davidnü aniube thsüpü Abigail kilim thiyusheak yüshih.

1 SAMUEL 26:10

Davidnü tha, “Atungpuh lale, Atungpuhnü api kheana lungshihbah; yungsho api nimung ashepü arübah; yungsho api thirithsü ching yükibah tüsho adükheakbah.

1 SAMUEL 3:18

Jumonü Samuelnü api ki alala tha tüsho api ki tümü she mümüyim. Tüsho apinü tha, “ Ha Atungpuh lah; apinü atsükhi thsüshang.”