MIKA 7:14 - AMÜSÜH HÜM CL Bible (BSI)

¹⁴ Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

MIKA 7:14 Iomraidhean Croise

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 143:5

Inü awün nimungbo lümkhitchoh; inü nü rhimobo kheak lümakheahchoh; inü nü khah rhimobo lümzülümdochoh.

MUNGSHIKHÜN 28:9

Nü mihtsürü khümkhitang, tüsho nü yamrüplurüp müngühjang; nü arü neakrü thsang tüsho lünnü arü kümang.

MUNGSHIKHÜN 95:7

Tümüde api isa Thrünpuh, tüsho isa api rimlopung mihtsürü, tüsho api khah ching namfimihnubo ah. Khihni nüsanü api düsheak aniang:

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

KHÜNBOLUNGKHÜN 4:1

Nü küdükhüh she jak atsü, I tsübe, küdükhüh khide jak atsü! Amuhiudokhi khüp nü mük ju müthrithrümpü mük ruk lah. Nü kuyü ju mihnu boto Gilead düpheak yükikhi nangde lah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 65:10

I yimrü I mihtsürübo thsungkheak Sharon ju mihnu boto yimtsühpung kambah, tüsho Akor jindükhün ju moshibo yappung kambah.

JEREMIA 49:31

Asürang, lalim tsüde akhimahe ching, chipiripit yungsho akhrihbe mülade alangzü lakhi trükshih yanang, Atungpuhnü thachoh.

TÜZHOKHI 1:7

Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh. Küyimki anihbe mihtsürü thiriri khah ching yüzahkhea, tüsho anihbe rungpü she mülakhea, thiririnü anihbe keamkhi kheahbah münejih.

TÜZHOKHI 5:21

Isa nü kilim beloang, O Atungpuh , junangde isa lalobah; adüso nangde isa nimungbo aso kamshang–

EZEKIEL 36:11

tüsho inü nüsa kheak mihtsürü tüsho shiwühbo wüh bushihbah. Arübo alü kambah tüsho aso asobah; tüsho akhuhlim kimbo ching nangde inü nüsa kheak laloshihbah, tüsho püpüki kheaknü alü nüsa ki tsüde arhimobah. Judüki I Atungpuh de nüsanü mükheahbah.

LEVI 27:32

Tüsho moshi boto le namfimihnu boto shihcham thsungkheaknü küpü namfimihnu neakbuh tso bukkhüp lanü, athürüpü ju Atungpuh miki amüsüh labah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

OBADIA 1:19

Negebnü Esau wungbo lubah tüsho Shephelanü Filistiarü lo lubah; arünü Ephraim tüsho Samaria lo lubah, tüsho Benjaminnü Gilead lubah.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

ZEKARIA 10:10

Inü arü Ijip lomi chingnü thüyam lim bedarübah, tüsho arübo Asiria chingnü bemukhungbah; inü arübo Gilead lomi tüsho Lebanon ching, arü thsungkheak khiungshak mülayi khiungde bedarübah.

ZEKARIA 11:7

Jumonü, namfimihnu yinzüyindorü thsung thsüde I alaksahpü akhukhi namfimihnu boto neakrü kamdo. Inü tso mahne ludo; khülang mung inü Mihmüthsüm, püpü ki Arihako de jilah, tüsho inü namfimihnu kümchoh.

MALAKI 3:4

Judüki Juda tüsho Jirusalem kingaün ju awün nimungbo tüsho khakhih kambo ching nangde Atungpuh ki asühpü labah.

WÜHKHE 23:9

Lunghü mujuk chingnü inü arü ngüchoh, awungbo chingnü inü arü chinzhina kheahchoh, arübo büthsüde alakhi trükshih khülang ah; tüsho püpü trükshih kheaknü arü alü müngühmühibe de arünü mükheahlah.

WÜHKHE 32:1

Kheakü Reuben tüsho Gad tsührübo akam-shiwüh hihdakde alakheah; tüsho küyimki arünü Jazer tüsho Gilead lomi ngükhea, ju lomi ju shiwüh akampü tsüde alakhea,

WÜHKHE 32:4

lomibo Atungpuhnü Israel boto müngüh kukkhi; ha shiwüh akampung lo ah, tüsho nü yamlarübo akam-shiwühbo lah.”

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

JOHAN 17:16

I alomi yo yungkhi nangde arübo alomi yo yung.

YUZÜNGTHALO 33:28

Jumonü Israel a kurampung ching lah, Jakob kekhip küma zolah, hi tüsho yukhu lakhi lo ching, thüningbonü ayinke akishihchoh.