MIKA 7:10 - AMÜSÜH HÜM CL Bible (BSI)

¹⁰ Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

MIKA 7:10 Iomraidhean Croise

2 SAMUEL 22:43

Inü arü kheak alo asungthulung atsü nangde king, inü arü züthünak tüsho kiudunglimrobo ching akhimniuhniuh nangde arübo jungnak.

MUNGSHIKHÜN 109:29

I müneahrübo achih ngükhi yihshang, tüsho khimmih nangde arü lümchihyuknü arü lüpdoshang.

MUNGSHIKHÜN 115:2

Tümüde trükshihbonü athashihpü, “ Kheakü arü Thrünpuh küching la?”

MUNGSHIKHÜN 18:42

Judüki inü apung müngüh asungthulung nangde arü zünak; kiudunglimrobo ching müneanmuru nangde inü arü jipa bah.

MUNGSHIKHÜN 35:26

I thsümütsü kheak asühachihrü rukhühnü achih ngüshang tüsho yingyingshang; I kurungkheak arü küdah thsüde ashuhkihrü achih ngükhi tüsho wüntre mülakhinü lüpdoshang.

MUNGSHIKHÜN 42:10

Arünü mükhemükimkhinü I züthünaka lah, arünü I ki nimung amuyung keochoh, “Nü Thrünpuh kükheak la?”

MUNGSHIKHÜN 42:3

I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MUNGSHIKHÜN 58:10

Thiyuro-lungkirünü royimkhi ngüchoki asühachihbah; apinü mihbukmuyuk thiyih ching ajing müsühbah.

MUNGSHIKHÜN 79:10

“Arü Thrünpuh küching la” de tümü thsüpü trükshihbonü athashihpü? Nü yamlarübo thiyih bukkhi royimkhi isa mikinü trükshih bolung mükheahshang.

MUNGSHIKHÜN 92:12

Thiyuro-lungkirü ju ashidung nangde bükbük atobah, api a Lebanon ching cedar nangde azokihbah.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

JEREMIA 49:15

Tümüde inü nü trükshih bolung aninibe kamshihde, mihtsürünü mükhemükimshihbah.

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

JEREMIA 51:51

Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

OBADIA 1:10

Nü niurü Jakob laksahkhi tüsho thiyih bukkhi dünkheak achihnü nü zhidobah, tüsho nü lünnü lipkhia bahbah.

OBADIA 1:12

Tüshe nünü api kuhi mütsükhi nimung nü keoniorü mükhenopü lado; nünü Juda mihtsürü thsümünim nimung masühachihpü lado; lümthsünü nimung nünü mükükheangpü lado.

MIKA 4:11

Kheakü trükshih ahihdo nü azhihde mukhungbah thachoh, “Anihbe müneanshang, tüsho isa mükbonü Zion kheak kheahshang.”

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.

ZEPHANIA 3:15

Atungpuhnü nü azhihde mahkhap lude tsodo, apinü nü riribo rholode tsoshihdo. Israel kiulongthsüpuh, Atungpuhnü lung lah; nünü kheaküa thsümütsü tümü mütre.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

MALAKI 1:5

Nü mükbonü ha ngübah, tüsho nünü athabah, “ Israel aredungbo hobah she ato ju Atungpuh lah!”

MALAKI 4:3

Tüsho nüsanü mihbukmuyuk thrümyukbah, tümüde inü arhimopü nimung arübo ju nüsa jinglung khüp awahbo nangde alabah, Wuto Atungpuhnü thachoh.

MATHI 27:43

Apinü Thrünpuh kheak kindo; kheakü apinü anihbuh khümkhitshang; tümüde apinü tha, ‘I Thrünpuh tsührü ah.’ ”

JIHUSUA 7:9

Kananrü tüsho lomi ching larübonü ha sobah isa zündobah, tüsho alomi chingnü isa mung dükheakshihbah. Dale nü mung ato thsungkheaknü nünü tümü rhimoba?”

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!