MIKA 7:1 - AMÜSÜH HÜM CL Bible (BSI)

¹ Ayokhe! Tümüde I a muzhu sangaso rho dunglim, kurungaso rho dunglim, atsühpü adüchi müngürü ruk kamdo; I khümkhi thsungkheaknü akhuh münkhi khubaso müla.

MIKA 7:1 Iomraidhean Croise

MUNGSHIKHÜN 120:5

I Meshek ching lakhi are, junangde I Kedar khimyam bolung lah!

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

ISAIA 17:6

Ju ching yimlu aninga labah, oliv sangdung anitchoki nangde–sangaso mahne yungsho mahsam amuyu khah ching, phüyi yungsho phüngü sangasodung khahbo kheak kihbah, Atungpuh Israel Thrünpuh nü thachoh.

ISAIA 24:13

Tümüde ha ruk alomi kheak tüsho trükshih bolung, oliv sangdung aniungkhi nangde, kurungaso yimlubah momukhungkhi nangde alabah.

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 28:4

Tüsho ha müretah akheahakham yiuhabahkhi sangbün, küpü amüdanglo dükhün ku kheak lanü, yimlupü müngüh akhuh münkhi khubaso nangde alabah; sherünü ha ngübanü, khah ching arüakede tsühabahchoh.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

JEREMIA 15:10

I are aba, nünü I zübea lah, lomi ching mihtsürü ki inü rukachihde tüsho atsangachihde lah. Inü sho tümü müzüng yungsho münip, tütüshe alalanü I athruchoh.

JEREMIA 24:2

Muluk khülang ching akhuh münkhi khubaso nangde, khide atsü lakheah, tüshe püpü muluk ching a mütsühkhukpü thsüde khide amütsü khubaso lakheah.

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 45:3

Nünü tha, “ I are! Atungpuhnü I thsünükhi alü kamshihdo; I ashearakhinü khia lah tüsho sühakhim müngü.”

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

WÜHKHE 18:13

Arü lo ching sangaso akhuhde amünkhi arünü Atungpuh kilim hande arükhi ju nüsa yo thsübah. Nüsa yamkhün ching müsühde alarübonü ju tsühpü kuklah.