MIKA 6:7 - AMÜSÜH HÜM CL Bible (BSI)

⁷ Atungpuhnü namfimihnupung chithürübo, müdangke ayung chithürübo kheak asühba de? Inü alakmihkhi thsungkheak I tsührü jihba shi, I me neak thsungkheaknü I pang chingnü asokhi jihba shi?”

MIKA 6:7 Iomraidhean Croise

2 KIULONG THSÜRÜ 16:3

tüshe apinü Israel kiulongthsürübo limro ching tsah. Atungpuhnü Israel müngühnü yankhita bahkhi trükshihnü athraneanbe rhimokhibo yande apinü atsührü athrürü she monü taka kingaün.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIULONG THSÜRÜ 3:27

Judüki api khah müthripü lakhi atsührü athrürü adüjibuh apinü lu, tüsho chipi kheak taka kingaünkhi jih. Tüsho bukakhiukkhi ato Israel kheak arü, jumonü arünü api kheaknü tuklo tüsho arü nihbuh lomi lim alode yü.

JOB HU H T ANYU 29:6

küyimki I jing düküpungbo niuhkenü müsüh-a lakhea, tüsho lungtonü müdangke bukkhitshih!

MUNGSHIKHÜN 50:9

Inü nü yam chingnü moshipung, yungsho mihnu boto chingnü mihnubo yihnüpü müla.

MUNGSHIKHÜN 51:16

Tümüde nünü laksah-a kingaünkhi mulune, jude yungkhülaa inü jih-a labah; nünü taka kingaünkhi ching masühchoh.

MUNGSHIKHÜN 51:18

O Thrünpuh, Zion muzhoang tüsho rungang; Jirusalem chipibo thsülojang.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 40:16

Lebanonnü mokhih suhdahde müjihkhuk, yungsho ju shiwühbonü taka kingaünpü musuhdah.

JEREMIA 19:5

tüsho arünü arü tsührübo Baal kilim taka kingaünpü Baal thsungkheak awung achang dangpungbo thsü, küpünü thiyukhüm müjih yungsho yakzan müthsü, yungsho I lüm ching müzahkhi la.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

JEREMIA 7:31

Tüsho arünü Hinnom Tsührü Jindükhün ching Topheth de alakhi achang dangpungbo arü tsührübo mo ching takpü thsüchoh–küpü inü arü ki thiyukhüm müjihkhea, yungsho I lüm ching marükhi la.

EZEKIEL 23:37

Tümüde anenü müzammüram yihbeakdo; tüsho ane khah kheak thiyih kihlah; ane sangthsübo lung anenü müzammüram yihbeakdo; tüsho anenü I kilim zübejihkhi tsührübo she arü kilim kingaündo.

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

LEVI 20:1

Atungpuhnü Mosa ki tha,

AMOS 5:22

Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah.

PHILEMON 1:12

Inü api lung I mulonglam bede nü kilim thiyia arüloshihchoh.

MAHKHAPRÜ 11:31

Amon mihtsürü kilimnü I mungtsü chingnü ayülobah, I yam ripit chingnü tümü I shorupü akhiukbanü, tsükjide Atungpuh yo thsübah, tüsho inü ju taka kingaün jihbah.”

MAHKHAPRÜ 11:39

Khinu mahne dunglim alibenü abuh kilim alode arü, tüsho apinü thiyuchihchimkhi yande alibe sheshih. Alibe ju atsangkhitkhi lakheah. Tüsho ha Israel ching yakli khülang kam,

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.