MIKA 6:4 - AMÜSÜH HÜM CL Bible (BSI)

⁴ Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

MIKA 6:4 Iomraidhean Croise

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

ABEKHIT 12:51

Tüsho ju nimung ching Atungpuhnü Israelrü arü bonungrü ayannü Ijip chingnü bekhit.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 3:10

Jumonü kheakü Ijip lomi chingnü I mihtsürübo bekhitpü inü nü Pharao kilim yüshihchoh.”

ABEKHIT 4:10

Tüshe Mosanü Atungpuh ki tha, “O ITUNGPUH , adüsonü yungsho nünü nü yamlarü ki asukachihshunü I thiyu thasorü yung; tüshe thiyu thapü duhduhlah.”

ABEKHIT 4:16

Api ju mihtsürübo ki nü thsung thsüde athajihrü thsübah; tüsho nü api thsungkheaknü Thrünpuh nangde alabah.

ABEKHIT 6:27

Mosa tüsho Aron anenü Israel mihtsürü Ijip chingnü bekhitpü dünkheak Ijip kiulongthsüpuh Pharao ki thakheah.

JEREMIA 32:21

Nünü nü mihtsürü Israel Ijip lomi chingnü amütsanbo tüsho khinthiyinbebo, amüküp khah, tüsho atrebe atonü bekhit;

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

WÜHKHE 12:1

Mosanü Kushberü lukhi dünkheak Miriam le Aron anenü azhihde tha.

WÜHKHE 33:1

Harübo ha Mosa tüsho Aron anenü Israel mihtsürü arü bonungrü bebah Ijip ching hantsahkhibo ah.

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 24:18

Tüshe nü khülang ki Ijip ching azhorü lakheah tüsho Atungpuh nü Thrünpuhnü nüsa ju chingnü rhokhitdo de lümkhitang; jumonü inü ha rhimopü nüsa ki thiyukhüm jih.

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 5:6

I nüsa Ijip lomi, azhorü kuhi chingnü abekhitbuh Atungpuh nüsa Thrünpuh.

YUZÜNGTHALO 7:8

tüshe Atungpuhnü nüsa muzho, tüsho apinü nüsa bebuhrü ki thiyuchihchimkhi zomonü, Atungpuhnü nüsa api Wuto khah hode bekhit tüsho Ijip kiulongthsüpuh Pharao khah hode azhorü kuhi chingnü rhokhit.

YUZÜNGTHALO 9:26

Tüsho inü Atungpuh ki tamkhüntamnü, O Wuto Atungpuh , nü tokhinü rhokhitkhi, nü khah sühmüh atonü Ijip chingnü abekhitkhi, nü mihtsürü tüsho nü yamrüplurüp düdükheakshih.

1 SAMUEL 12:6

Samuelnü mihtsürübo ki tha, “ Mosa tüsho Aron mokhitjihde nüsa jipürübo Ijip lo chingnü bekhitbuh Atungpuh thiyumütsan lah.