MIKA 6:16 - AMÜSÜH HÜM CL Bible (BSI)

¹⁶ Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

MIKA 6:16 Iomraidhean Croise

1 KIULONG THSÜRÜ 18:4

küyimki Jezebelnü A TUN GPU H wukihrübo laksahkhamkhea, Obadianü wukihrü chi khülang bea lubah arü thünim thünim lungkhün mahne ching jikshih, tüsho arü kilim yikhap tüsho ke jih.)

1 KIULONG THSÜRÜ 9:8

Ha yam ha athsümünimkhibo mujung kambah; ha horü abannü amüyinsahbah, tüsho ish dübah; tüsho arünü athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

2 KIULONG THSÜRÜ 16:3

tüshe apinü Israel kiulongthsürübo limro ching tsah. Atungpuhnü Israel müngühnü yankhita bahkhi trükshihnü athraneanbe rhimokhibo yande apinü atsührü athrürü she monü taka kingaün.

2 KIULONG THSÜRÜ 21:3

Tümüde apinü abuh Hezekianü luka bahkhi achang dangpungbo thsülo; kiulongthsüpuh Ahabnü athsükhi nangde apinü Baal kingaün sadam, Ashera sangthsü thsü, chiningbo alala kingaün tüsho arübo tankih.

2 KIUTHSÜYUKHEAN 22:4

Apinü Ahab yamkhünnü arhimokhi nangde Atungpuh miki amütsü rhimo; tümüde abuh she dunglim arübo ju api thsümünimpü, api tuthsukrü lakheah.

2 KIUTHSÜYUKHEAN 34:25

Tümütüsho arünü I bahyuk tüsho püpürü thrünpuhbo kilim rhümthüneabe taka jih, junangde arü khahnü arhimokhi alala hode I bukakhiukshih, I bukakhiukkhi ha dangpung kheak dungkihbah tüsho müyihmüt.

MUNGSHIKHÜN 1:1

Mihtsürü shepünü mihbukmuyuk lümthiyan ching mütsahcho, yungsho aneakrü limro ching müzhipcho, yungsho luhmünerü binkiu kheak mübinchonü asühpü;

MUNGSHIKHÜN 44:13

Nünü isa yamhingrü ki isa achihbe, isa mühirü ki müthülünkhi tüsho münedung kamshih.

MUNGSHIKHÜN 44:14

Nünü isa trükshihbo lung münedung kamshih; mihtsürübonü isa ki arü ku angamchoh.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

JEREMIA 19:8

Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 51:51

Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

JEREMIA 7:24

Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

TÜZHOKHI 5:1

O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

EZEKIEL 39:26

Arünü arü achihbe tüsho I azhihde mülimde arhimokhi alala arübo shenü mütreshihde lomi ching kuramde alachoki mihabahbah,

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

HOSEA 12:14

Ephraimnü khühde bukakhiukshihdo; jumonü api TU N GPU H NÜ amülim thiyih api kheak zojihbah, tüsho api mükhemükimkhi jihlobah.

HOSEA 5:11

Ephraim junoa lah, mahkhapkhi ching zünaka lah, tümütüsho apinü akeangkeang dunglim yüpü lümkih.

MIKA 2:6

“Düthsangyuthsangra” arünü hade thsangyuthsangrachoh– “ Khürünü hadürü thsangyuthsangra müthsübeah; mihmüthsüm mülakhinü isa müyanphuh.”

MIKA 6:13

Jumonü inü nü neakbo dünkheaknü nü shikpü tankihkheah.

AMIKHEAKAKHIUKKHI 2:20

Tüshe inü nü azhihde ha lah: Anihbe küdahnü Thrünpuh yunirü ah de jia lukhi Jezebel kheak arümkheamchoh. Anihbe thsangyukhinü I tankihrübonü müzammüram rhimoshihde tüsho sangthsübo ki kingaünkhi tsühyungbe tsühshihde bemüchihdo.