MIKA 6:1 - AMÜSÜH HÜM CL Bible (BSI)

¹ Atungpuhnü tümü thachonü aniang: Asürang, nü lümkhi müzüngbo müngüh hande arang, tüsho awungbonü nü düsheak soshang.

MIKA 6:1 Iomraidhean Croise

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 50:4

Apinü api mihtsürü mahkhappü thsüde akulim yinmibo tüsho alomi jichoh:

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 3:13

Atungpuhnü api dünkheak atsangpü asürüchoh; apinü mihtsürü mahkhappü zhipchoh.

JEREMIA 13:15

Aniang tüsho nükhün muphoang; dükükheang, tümüde Atungpuhnü asukdo.

JEREMIA 22:29

O alomi, alomi, alomi, Atungpuh yu aniang!

EZEKIEL 36:1

Tüsho, nü mihtsürü tsührü, Israel müzüngbo ki müchitang, tüsho thaang: O Israel müzüngbo, Atungpuh yu soang.

EZEKIEL 36:8

Tüshe, nüsa, O Israel müzüngbo, nü khahbo chinkhitba shi, tüsho I mihtsürü Israel kilim aso asojihba shi; tümüde arübo nahde thüyam lim arübah.

EZEKIEL 37:4

Judüki apinü I ki tha, “Harü robo ki müchitang tüsho arü ki thaang: O akung robo, Atungpuh yu soang.

EZEKIEL 6:3

tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah.

AMOS 3:1

O Israel mihtsürü, Atungpuhnü Ijip lomi chingnü bekhitkhi yamkhün alala azhihde asukkhi yu ha aniang:

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

MIKA 1:4

Judüki mo phünide thürip lakhi nangde, kebonü awung zünkheamkhi nangde api khüp müzüngbo niubah tüsho jindükhünbo zhibeakbah.

MIKA 5:15

Bukakhiukkhi tüsho mulong zhipzhip ching inü mihyumanikhi trükshihbo kheak royimbah.

MIKA 6:2

Nüsa müzüngbo, tüsho nüsa akheam mülakhi alomi khimtanbo, Atungpuhnü müdamkhi soang; tümüde Atungpuhnü api mihtsürü kheak müdampü lah, tüsho apinü Israel kheak müneahbah.

LUKNÜ ATHRÜTKHI THIYUSHEAK-ATSÜ HUHTANYU 19:40

Tüshe apinü arü ki alo tüsho tha, “Inü nüsa ki thachoh, harünü zhikde lasho, lungbonü azhibah.”

YUZÜNGTHALO 32:1

O thüningbo, aniang, tüsho inü athabah; tüsho alominü I mün chingnü athakhi aniang.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.

1 SAMUEL 12:7

Jumonü kheakü nüsa küching lanü zhipang, junangde Atungpuh miki nüsa mahkhapbah, tüsho Atungpuhnü nüsa le nüsa jipürü thsungkheak akhümkhit rhimokhi inü nüsa ki thabah.

1 SAMUEL 15:16

Judüki Samuelnü Saul ki tha, “Zhikdang! Yishih Atungpuhnü I ki tümü thakheanü nü ki thabah.” Apinü alo, “ Thaang.”