MIKA 5:6 - AMÜSÜH HÜM CL Bible (BSI)

⁶ Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

MIKA 5:6 Iomraidhean Croise

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

1 KIUTHSÜYUKHEAN 1:10

Kush kheaknü Nimrod trükkhit; api alomi kheak akhuhde wuto lakheah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

JOB HU H T ANYU 29:22

Inü asukshu arünü masuklo, tüsho I yu ju arü kheak ayinke nangde atsamkih.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 72:6

api ju arhipkhi rimkiu kheak akikhi tsüng, alo pangkhi tsüngshimshim nangde alabah.

ISAIA 14:2

Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 37:37

Jushu a Asiria kiulongthsüpuh Sennakerib, thüyam lim yü, tüsho Nineve ching la.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

NAHUM 2:11

Kheakü kekhüzü yam küching la, küpü dangpung ching arü nunu yimkipkhea, küpü ching kekhüzü tüsho kekhüzü dreto, tüsho anunubo mütrede ayükhea?

ZEPHANIA 2:13

Tüsho dukulim azhihde api khah chungkihbah, tüsho Asiria thsümünimbah; tüsho apinü Nineve ju azhikkhi, loshelo nangde abahkhi akung kamshihbah.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

LUKNÜ ATHRÜTKHI THIYUSHEAK-ATSÜ HUHTANYU 1:71

junangde isa riribo tüsho isa thraneanrü alala khah chingnü isa khümkhit;

LUKNÜ ATHRÜTKHI THIYUSHEAK-ATSÜ HUHTANYU 1:74

isa riribo khah chingnü isa bekhitpü, tüsho mütrede isanü api tankihkhukshihpü,

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

YUZÜNGTHALO 32:2

Inü thsangyukhi tsüng nangde atsamkhishang, inü athakhi ayinke nangde keamshang, sangdung nunu kheak tsüng arünnü akeamkhi nangde, tüsho rimkiu kheak tsüng shimshimde akeamkhi nangde.