MIKA 5:4 - AMÜSÜH HÜM CL Bible (BSI)

⁴ Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

MIKA 5:4 Iomraidhean Croise

MUNGSHIKHÜN 145:12

mihtsürü tsührübo kilim api wuto rhimobo, tüsho müretahkhi api wüntre-müretah kiulongthsü mükheahshihpü lah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 49:5

Tüsho kheakü Atungpuhnü thachoh, shepünü api yamlarü thsüpü nuyam ching I lashihkhea, api kilim Jakob belodarüpü, tüsho Israel api ki mukhungpü, tümüde Atungpuh miki I müretahkhi lah, tüsho I Thrünpuh ju I sühmüh kamdo–

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 52:13

Kheahang, I yamlarü kukzamde alabah; api shuhkihbah tüsho bekihbah tüsho khide achang labah.

ISAIA 8:7

jumonü ju azhihde Atungpuhnü Ayung Keking ato, Asiria kiulongthsüpuh tüsho api müretahkhi alala lude atuchoh; keru alala kumung yükihbah tüsho ayung alala bukmibah;

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

MALAKI 1:5

Nü mükbonü ha ngübah, tüsho nünü athabah, “ Israel aredungbo hobah she ato ju Atungpuh lah!”

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

LUKNÜ ATHRÜTKHI THIYUSHEAK-ATSÜ HUHTANYU 1:32

Api ato labah tüsho Khide Achang tsührü de ajibah; tüsho Atungpuh Thrünpuhnü api kilim apü David kiulongthsübinkiu jihbah.

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”