MIKA 5:3 - AMÜSÜH HÜM CL Bible (BSI)

³ Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

MIKA 5:3 Iomraidhean Croise

1 KIULONG THSÜRÜ 14:16

Jeroboam neak dünkheaknü apinü Israel bahyukbah, küpü apinü neak yihbeak tüsho apinü Israel neak yihbeakshih.”

2 KIUTHSÜYUKHEAN 30:7

Nüsa jipürü tüsho nüsa buhtsührünü Atungpuh arü Thrünpuh ki akin mülakhi nangde düla, junangde nüsanü angükhi nangde apinü arü zhikrangkhündo kamshih.

MUNGSHIKHÜN 67:3

Mihtsürübonü nü shishang, O Thrünpuh; mihtsürü alalanü nü shishang!

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

HOSEA 2:9

Jumonü akim ching inü I hi tüsho akheahmünchi ching I yukhu lulobah; tüsho anihbe pang yihdokhi I khimlamlam, khimthünak luabahbah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

MIKA 4:4

tüshe arü alala arü nihbuh kurungaso tüsho khubasodung khüp binbah, tüsho shenü arü mütreshih; tümüde Wuto Atungpuh münnü asukdo.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

MIKA 6:14

Nünü atsühbah, tüshe reangmükeam, nü buk kheaküshe akeangkeang labah. Nünü zomukhungbah tüshe tümü she muzokhit, tümütüsho nünü tümü zokhita lanü inü thirithsü ching thsümünimbah.

MIKA 7:13

Tüshe ju ching larü rhimo sangasobo dünkheaknü alomi zhikrangkhündo alabah.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

MATHI 12:50

Tümütüsho sherünü yinmi ching I Buh lümkhi rhimochonü I khiung, I chi tüsho I be ah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.