MIKA 5:2 - AMÜSÜH HÜM CL Bible (BSI)

² Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MIKA 5:2 Iomraidhean Croise

THRÜNTAN 35:16

Judüki arünü Bethel chingnü hantsahmusu. Tüsho arübo Ephra khiungpü adükeak anükhüh lachoki Rachel khungarü zübepü khiung tüsho thsünü ato ching lakheah.

THRÜNTAN 35:19

Junangde Rachel sheabah tüsho Ephra (ju Bethlehem) limro kheak kiuyukabah.

THRÜNTAN 48:7

Tümütüsho I Paddan chingnü arüchoki, Ephrath lim yüpü limro adükeak anükhüh lade, Kanan lomi ching Rachel I kinü sheabah; tüsho inü anihbe Ephrath (ju Bethlehem) lim yüpü limro kheak kiuyukabah.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

1 KIUTHSÜYUKHEAN 2:54

Salma tsührübo: Bethlehem, Netopharü, Atroth-beth-joab, tüsho Manahathrü chamkhüh Zorrü.

1 KIUTHSÜYUKHEAN 4:4

tüsho Penuel kheaknü Gedor trükkhit, tüsho Ezer kheaknü Husha trükkhit. Harü ha Bethlehem abuh, Ephratha tsührü adüjibuh Hur tsührübo lakheah.

1 KIUTHSÜYUKHEAN 5:2

api keoniorü bolung Juda adungto kamkam she tüsho yakzanshuhrü api kheaknü arürü she, adüjibuh yamrüplurüp ju Josep yo.)

MUNGSHIKHÜN 132:6

Kheahang, isanü ju Ephratha ching sodo; isanü ju Jearim mükeakbo ching ngüdo.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

ABEKHIT 18:25

Mosanü Israel alala lungnü athsükhuk mihtsürü mokhit tüsho mihtsürü chithürübo, chibo, thünimbo tüsho thürü kurung yakzanshuhrübo thsüshih.

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

MIKA 4:10

O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

LUKNÜ ATHRÜTKHI THIYUSHEAK-ATSÜ HUHTANYU 23:38

Tüsho api kumung Greek, Latin, tüsho Ibri yunü thrüta zo: Ha jihudarü kiulongthsüpuh.

JOHAN 7:42

Khrista ju David tsühsoniuso chingnü tüsho David lapung Bethlehem kiuto chingnü arübah de amüsühyunü thachoh yung de?”

YUZÜNGTHALO 1:15

Jumonü inü nüsa trükbo ching akubo, lümlung larü tüsho mükheahmudurü mihtsürübo lubahle nüsa kurungkheak, chithürü limberü, chi limberü, thürü limberü tüsho nüsa trükbo thsungkheak atorübo mokhitjih.

KOLOSI 1:17

Alala müngühnü api lah, tüsho alala api kheak zamrulah.

IBRI 13:8

Jisu Khrista ju yini, khihni tüsho lünnü rukhüh ah.

IBRI 7:14

Tümüde isa Atungpuh ju Juda chingnü atrükkhitkheah de mütsanlah, tüsho ju trük amükeamrübo dünkheaknü Mosanü tümü she mütha.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

MAHKHAPRÜ 17:7

Kheakü Juda ching lakhi Bethlehem chingnü Juda yamkhün yo athrününgtsüng mihtsürü khülang lakheah; api ju Levirü lakheah tüsho ju ching yünü alakheah.

RUTH 1:1

Mahkhaprübonü yakzan shuhde alachoki lomi ching khümzung lakheah, tüsho Juda ching Bethlehem mihtsürü khülang Moab lomi ching, aniube tüsho tsührü athrürü mahne bebah tsode yünü la.

RUTH 4:11

Azothsürü tüsho chipimurung ki larübonü tha, “ Am, isa thiyumütsan thsürü ah. Rachel le Lea bünenü Jakob kilim tsührü hihde zübejihkhi nangde Atungpuhnü nü yamkhünbe müngühshang. Ephra trük ching nü alarü kamshang tüsho Bethlehem ching nü thushang.

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 17:12

Kheakü David ha Juda ching lakhi Bethlehem chingnü Ephrarü Jesse tsührü ah, api tsührü 8 lakheah. Saul kiulongthsüchoki ha buh mihtsürü ha khide shina lakheah.

1 SAMUEL 17:18

tüsho niuhke kingkung 10 ha lubah chithürü kurung limthobuh kilim jihang. Nü khiung pürü küruk lanü kheahang tüsho tsüde alakhi amütsan tümükhüh arü kilimnü lubah arang.”

1 SAMUEL 23:23

Mühide kheahang tüsho api küching jiklanü ajikpung dangpung alala mükheahang, tüsho thiyusheak mütsanmükhi lubah I kilim arüloang. Jushu I nüsa lung yübah; tüsho api lomi ching lasho, inü Judarü guk alala bolungnü api yimkhitbah.”

1 SAMUEL 8:12

tüsho apinü chithürü tüsho thünim kurungkheak wühkenorü mokhitbah, tüsho khürü api lu phünpü tüsho yimlushihpü, tüsho keochihbe tsungthsüh tüsho khora-lolungbe kukrukbo thsüshihpü mokhitbah.