MIKA 4:8 - AMÜSÜH HÜM CL Bible (BSI)

⁸ Tüsho nü, O namfimihnu aheangsadam, Zion wung, akhuhlim yakzan shuhkhi nü kheak arübah, Jirusalem kheak kiulongthsü arübah.

MIKA 4:8 Iomraidhean Croise

THRÜNTAN 35:21

Jushu Israelnü hantsahmusu tüsho Eder rünchang hobah api khimyam thsü.

2 SAMUEL 5:7

Judüalalashe Davidnü chipi ayünkhi Zion yankhia lu, tüsho kheakü David kiuto de lah.

NEHEMIA 3:25

Uzai tsührü Palalnü ju khin, chipi mühit tüsho kiulongthsüpuh yam achangbe aheangpung mikinü tankihde thsü; api dunglim Parosh tsührü Pedai

MUNGSHIKHÜN 24:7

Nüsa kubo dukoang, O chipiripitbo! tüsho shuhkihang, O Jipü khimdopübo! junangde müretahkhi kiulongthsüpuh azahbah.

MUNGSHIKHÜN 48:3

Kiuto chipibo khüp kurampung lah de Thrünpuhnü huhchoh.

MUNGSHIKHÜN 61:3

tümüde nü I tsoyukpung, thiriri azhihde aheangsadam amüküp khülang ah.

KHÜNBOLUNGKHÜN 4:4

Nü hung ju David aheangsadam nangde lah, mükamde shahshah thsülah; ju kheak thirithsürü tsungbo nangde tsungnini chithürü zhinlah.

ISAIA 1:26

Tüsho inü nü yo mahkhaprübo akhuhlim nangde akamshihbah, tüsho nü yo lümthiyan-jihrübo atankih nangde akamshihbah. Ju dunglim nü thiyuro-lungki, athülünkhi kiuto de ajibah.

ISAIA 10:32

Ha nimungnü api Nob ching labah, apinü Jirusalem awung, Zion tsührübe Müzüng kheak akhah zhimpungkhi niukbah.

ISAIA 5:2

Apinü alo kiu tüsho lungbo moa bah tüsho amokhitkhi kurungasobo khim; apinü ju ching aheangsadam khülang thsü tüsho yukhu zopung kiu; apinü kurungaso asoshihpü mükkin thsü tüshe kurungaso ju asan aso.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:18

Tüshe Khide Achangbuh yo amüsührübonü kiulongthsü leangkhibah tüsho lünnü lün kiulongthsü labah.”

OBADIA 1:21

Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

WÜHKHE 24:19

Jakob kheaknü yakzanshuhrü khülang akhiukbah, tüsho kiuto ching aninga larübo thsümünimjihbah.”

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

MARK 12:1

Judüki apinü arü ki shihdanglimyu chingnü athapü tankih: “Mihtsürü khülangnü kurungasolu thsübah ju mükamde awündo, anitpung alokhün kiu tüsho aheangsadam thsü. Tüsho apinü thulu-thsürübo ki amüche jihbah lomi ashang ching hantsah yü.

EFISIA 1:21

thiyuzüng, thiyukhümsühmüh, yakzan shuhkhi, tüsho ha lün ching lang yungde arüpü lakhi ching she mung jia lakhi alala kumung changlah;

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.