MIKA 4:7 - AMÜSÜH HÜM CL Bible (BSI)

⁷ Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

MIKA 4:7 Iomraidhean Croise

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

ISAIA 60:22

Yamkhün aninibenü guk khülang kambah, tüsho boto anikhühnü sühmüh lakhi trükshih kambah; I Atungpuh ; kim dükde ching inü ju nahde arhimobah.

ISAIA 66:8

Shenü hadürü sode? Shenü hadürü ngüde? Nimung khülangnü alomi zübeba de? Kim khülang chingnü trükshih zübeba de? Tütüshe Zion thsünü akede alibenü atsührübo zübejih.

EZEKIEL 43:7

Apinü I ki tha: Mihtsürü tsührü, ha I Israel bolung lünnü alapü lakhi I kiulongthsü-binkiu zopung tüsho I jinglung dubopung. Israel yamkhünnü kheaküa arünü yungsho arü kiulongthsürübonü, arü yüliyürakhinü, tüsho arü kiulongthsürübo shechoki asheminü I mung amüsüh mümüneanjih.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

OBADIA 1:21

Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

ZEPHANIA 3:20

Ju kim ching inü nüsa bemukhungchoki nü thüyam lim bedarübah, tümüde inü nü kuhibo jihlochoki, nü alomi mihtsürü alala bolung mungthu tüsho mungshi kamshihbah, Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 1:33

Apinü Jakob yamkhün kurungkheak lünnü kiulongthsübah, tüsho api kiulongthsü akheam mülade alabah.”

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”