MIKA 4:5 - AMÜSÜH HÜM CL Bible (BSI)

⁵ Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.

MIKA 4:5 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

2 KIULONG THSÜRÜ 17:29

Tüshe trükshih abannü nihbuh thrünpuhbo thsü tüsho arü lapung kiutobo ching, Samaria mihtsürübonü athsükhi achang dangpung arüngyambo ching yuka zo;

2 KIULONG THSÜRÜ 17:34

Khihni khiungde arünü adüso jipü-yaklibo rhimochoh. Arünü Atungpuh mükingaün tüsho Atungpuhnü Israel de ajikhi Jakob tsührübo kilim thiyukhüm jihkhi yukhüm yungsho yuzüng yungsho yakzan yungsho thiyukhümbo müyan.

MUNGSHIKHÜN 20:6

Kheakü Atungpuhnü api yo mujude-mokhitkhi khümkhitchoh de inü mükheahlah. Api akhümkhit sühmüh tsülim khah hode api amüsüh yinmi chingnü anihbuh ki alobah.

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

MUNGSHIKHÜN 71:16

Inü Atungpuh T HRÜNPU H sühmüh ching yübah; inü nü yo thiyuro-lungki lang athabah.

ISAIA 2:5

O Jakob yamkhün, arang, isanü Atungpuh ayin ching tsahanü!

ISAIA 26:13

O Atungpuh isa Thrünpuh, nü hobah püpü atungrünü isa kurungkheak yakzan shuhdo, tüshe isanü nü mung lang mütsanlah.

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

YUNIRÜBO RHIMO 14:16

Ahokhi lünbo ching apinü trükshih alala arü limrobo ching tsahpü mülüjih;

YUZÜNGTHALO 27:10

Jumonü nüsanü Atungpuh nüsa Thrünpuh düsheak aniang, tüsho inü nüsa ki khihni thiyukhüm jihkhi api yukhümbo tüsho api yakzanbo rhimoang.”

KOLOSI 2:6

Jumonü nüsanü Atungpuh Jisu Khrista leangkhiang, junangde api kheak laang,

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”