MIKA 4:4 - AMÜSÜH HÜM CL Bible (BSI)

⁴ tüshe arü alala arü nihbuh kurungaso tüsho khubasodung khüp binbah, tüsho shenü arü mütreshih; tümüde Wuto Atungpuh münnü asukdo.

MIKA 4:4 Iomraidhean Croise

1 KIULONG THSÜRÜ 4:25

Solomon rhangdung lachoki Juda tüsho Israel, Dan chingnü Beersheba she khiungde nihbuh kurungasolu tüsho khubaso dungbo lade kurampung tsüde alakheah.

1 KIULONG THSÜRÜ 5:5

Jumonü Atungpuhnü I buh David ki ha ruk thakhi nangde Atungpuh I Thrünpuh mung thsungkheaknü inü thüyam khülang thsüpü lümlah, ‘Nü tsührü, shepü nü müthri nü kiulongthsü-binkiu kheak inü abinshihbanü, apinü I mung thsungkheaknü thüyam khülang thsübah.’

JOB HU H T ANYU 11:19

Nü zuh-a yapbah, tüsho shenü nü mütreshih; ahihdonü nü arung lupü mürühbah.

MUNGSHIKHÜN 72:3

Müzüngbonü mihtsürübo kilim mungtsü, tüsho awung aninibonü thiyuro-lungki hande arübah.

MÜCHITMUDU 3:25

Zukleangnü atrebe lakhi yungsho mihbukmuyuk kheaknü küpkhuk arüchoki dütre;

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 17:2

Anihbe kiutobo lünnü bahyuka labah; arübo mihnu boto yimtsühpung labah, küpü zuhyuka yapba, tüsho shenü she arü mütreshih.

ISAIA 22:25

Wuto Atungpuhnü thachoh, Ju nimung adüküng dangpung ching müzam müsümkhi aniukkhia bahbah, tüsho ju kheak ajapkhi hah dükheakbah, tümüde Atungpuhnü asukdo.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 32:17

Thiyurolungki rhimokhi ching mungtsü labah, tüsho thiyuro-lungki hode akhiukkhi ju lünnü keamram tüsho akinashu labah.

ISAIA 36:16

Hezekia ki dani; tümüde Asiria kiulongthsüpuhnü ha thachoh: ‘ Nüsanü I kheak mungtsüang tüsho I kilim akhiukang; junangde nüsa mihbüm abannü nihbuh kurungaso tüsho nihbuh khubasodung chingnü atsühbah tüsho nihbuh kekhip chingnü ayungbah,

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 58:14

judüki Atungpuh lung nünü asühbah, tüsho inü nü alomi achangbo kheak tsahshihbah; inü nüsa jipürü Jakob yamrüplurüpnü nü kipduhbah, tümüde Atungpuh münnü asukdo.

JEREMIA 23:4

Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, Atungpuhnü thachoh.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

EZEKIEL 34:25

Inü arü kheak mungtsü tangzüng khülang thsübah tüsho mütüm shiwühbo lomi chingnü ayankhitbah, junangde arünü mütüm tüsho sang-lünkhi ching kuramde alabah.

EZEKIEL 34:28

Arübo küruhkhüh trükshihbonü yankhia mulu, yungsho lomi shiwühbonü mumuyu; arübo akhümkhit ching labah, tüsho shenü arü mütreshih.

EZEKIEL 38:11

Nünü athabah, “Chipi ayünkhi kiulongbo azhihde inü wutubah; chipibo, akhrihbebo yungsho chipiripitbo mülakhi, mungtsü mihtsürü sühakhim ching larü kheak inü akeambah”;

EZEKIEL 39:26

Arünü arü achihbe tüsho I azhihde mülimde arhimokhi alala arübo shenü mütreshihde lomi ching kuramde alachoki mihabahbah,

LEVI 26:6

Inü nüsa lo ching mungtsü lashihbah, tüsho nüsa zuh-a yapbah tüsho shenü nüsa mütreshih; inü lomi ching ahürhang shiwühbo yankhita bahbah, tüsho ju ching keochih mülade akambah.

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

ZEKARIA 3:10

Wuto Atungpuhnü thachoh, ju nimung nüsanü nüsa kurungaso tüsho khubasodung khüp khülangnü khülang jiyukachihbah.”