MIKA 4:3 - AMÜSÜH HÜM CL Bible (BSI)

³ Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

MIKA 4:3 Iomraidhean Croise

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

MUNGSHIKHÜN 72:3

Müzüngbonü mihtsürübo kilim mungtsü, tüsho awung aninibonü thiyuro-lungki hande arübah.

MUNGSHIKHÜN 72:7

Api nimungbo ching thiyuro-lungkirü lalim tsüde alabah, tüsho khinu mülayi khiungde mungtsü suhdahde alabah.

MUNGSHIKHÜN 82:8

Asürang, O Thrünpuh, alomi mahkhapang; tümüde nünü trükshihbo alala yamrüplurüp lubah.

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 25:3

Jumonü sühmüh lakhi mihtsürübonü nü müretahbah; mihbukmuyuk trükshih kiutobonü nü trebah.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 60:12

Tümüde nü mütankihpü lakhi trükshih tüsho kiulongthsü adükheakbah; jurü trükshihbo shahde thsümünima labah.

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

HOSEA 2:20

Inü nü athülünkhi chingnü I niube thsüpü lubah; tüsho nünü Atungpuh mükheahbah.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

MIKA 5:15

Bukakhiukkhi tüsho mulong zhipzhip ching inü mihyumanikhi trükshihbo kheak royimbah.

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.

ZEKARIA 8:20

Wuto Atungpuhnü ha thachoh: Kiuto ahihdo chingnü mihtsürübo kheaküshe arübah;

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”