MIKA 4:2 - AMÜSÜH HÜM CL Bible (BSI)

² tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

MIKA 4:2 Iomraidhean Croise

MUNGSHIKHÜN 110:2

Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:171

I münküpnü mungshi thabah, tümüde nünü nü yakzan thsükhibo I ki thsangyuchoh.

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 25:12

Atungpuh trekhi mihtsürü ju shepü a? Anihbuh thsungkheak mokhitkhi limro apinü thsangdanbah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 42:3

Isa küching yüba tüsho isa tümü rhimobeanü Atungpuh nü Thrünpuhnü isa ki huhshang.”

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 9:10

Apinü Ephraim chingnü khora-lolungbe tüsho Jirusalem chingnü thirithsü khora dükheakshihbah; tüsho keochihbe sanglühbo thsümünimbah, tüsho apinü trükshihbo ki mungtsü yukhüm jihbah; api yakzan shuhkhi ketonü keto khiungde alabah, tüsho Euphra Ayung chingnü alomi akheambo khiungde alabah.

MARK 16:20

Arünü yü tüsho Atungpuhnü arü lung rhimode tüsho khinthiyinbebo bede arü yu mütsanmükhi jihde lüpdükhi ching thsangyuthsangra.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 13:42

Paul le Barnaba ane sinagog chingnü awukhiukchoki, hadürü ju arübe Amuni she arü ki thapü mushu.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

YUZÜNGTHALO 6:1

“Kheakü ha nüsa ki thsangyushihpü Atungpuh nüsa Thrünpuh thiyukhümbo, yakzanbo tüsho thiyuzüngbo, junangde nüsanü hode yübah amükühpü lakhi lo ching nüsanü yande arhimobah,