MIKA 4:13 - AMÜSÜH HÜM CL Bible (BSI)

¹³ Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

MIKA 4:13 Iomraidhean Croise

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 68:29

Jirusalem ching nü arüngyam dünkheaknü, kiulongthsürübonü nü kilim thsambahbo handarübah.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

ISAIA 18:7

Ju kim ching Wuto Atungpuh kilim, mihtsürü ashang tüsho küpshahshah, trede alakhi mihtsürü aphüni tüsho limshu, wulakhi tüsho akuk ngükhi trükshih, ayungbonü chamnakbah alakhi lomi ching larünü Wuto Atungpuh mung lapung Zion Müzüng ching thsambahbo handarübah.

ISAIA 21:10

O I mihtsürü, anitkhi tüsho athripkhi, tümü Wuto Atungpuh Israel Thrünpuh kilimnü inü asokheanü inü nüsa ki zhichoh.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

JEREMIA 51:20

Nü a I yo thirithsü yümlung, I yo keochih thsühnuk; nü shuhbah inü trükshihbo yümnakchoh; nü shuhbah inü kiulongthsübo thsümünimchoh;

JEREMIA 51:33

Tümüde Wuto Atungpuh , Israel Thrünpuhnü ha thachoh: Tsührübe Babilon a hinitpung ching nitkhi nangde lah, anihbe yimlupü kim nahde arübah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

HOSEA 10:11

Ephraim a thsangyukhi moshi nunu, anitpü muzhokhi lakheah, tüsho inü anihbe hung atsü kheak sangkap müyihkih; tüshe inü Ephraim alo yihnakshihbah, Judanü wochakbah, tüsho Jakobnü alo phünnakbah.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

HABAKKUK 3:12

Mulong zhipzhip ching nünü alomi jung, bukakhiukkhi ching nünü trükshihbo thrüm.

ZEKARIA 12:3

Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

ZEKARIA 6:5

Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

YUZÜNGTHALO 33:25

Nü sangkhrihbe ju yinchi tüsho müwayinchi labah; tüsho nü nimungbo yande, nü sühmüh labah.” @SP ACE=

JIHUSUA 6:19

Shotoyinchi, suna, müwayinchi kukruk tüsho yinchi Atungpuh kilim atsangkhitkhi lah; jurübo Atungpuh rahpung-yam ching zobah.”