MIKA 4:12 - AMÜSÜH HÜM CL Bible (BSI)

¹² Tüshe arünü Atungpuhnü lümkhi mümükheah; arünü apinü rhimopung ching hiphungbo nangde arü hanmukhungkhi api lümkhi thsükhi manikhit.

MIKA 4:12 Iomraidhean Croise

MUNGSHIKHÜN 147:19

Apinü Jakob ki api yu, api yakzan thsükhibo tüsho api mahkhapkhibo Israel ki khipkhitchoh.

MUNGSHIKHÜN 147:20

Apinü ha püpü trükshih ki mürhimo; tüsho api mahkhapkhibo arünü mümükheah. Atungpuh shiang!

ISAIA 10:7

Tüshe apinü alümkhi ha yung, yungsho api lümkhi ching ha müla; tüshe athsümünimpü tüsho anükhüh yungde trükshihbo dükheakshihpü ha api mulong ching lah.

ISAIA 21:10

O I mihtsürü, anitkhi tüsho athripkhi, tümü Wuto Atungpuh Israel Thrünpuh kilimnü inü asokheanü inü nüsa ki zhichoh.

ISAIA 29:7

Tüsho Ariel azhihde thirithsüpü trükshih boto alala, anihbe tüsho chipi azhihde thirithsüpü alala tüsho anihbe lümthsünü jihrü, milim khülang, tüsho are michih khülang nangde alabah.

ISAIA 55:8

Tümüde I lümkhibo ju nü lümkhibo yung, yungsho nü limrobo ju I limrobo yung, Atungpuhnü thachoh.

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 51:20

Nü a I yo thirithsü yümlung, I yo keochih thsühnuk; nü shuhbah inü trükshihbo yümnakchoh; nü shuhbah inü kiulongthsübo thsümünimchoh;

JEREMIA 51:33

Tümüde Wuto Atungpuh , Israel Thrünpuhnü ha thachoh: Tsührübe Babilon a hinitpung ching nitkhi nangde lah, anihbe yimlupü kim nahde arübah.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

LUKNÜ ATHRÜTKHI THIYUSHEAK-ATSÜ HUHTANYU 3:17

Api rhimopung müsühabahpü, tüsho api jakam ching wheat hi hanmukhungpü akhah ching phürü shuhlah, tüshe atsütbo a apinü amümütbe monü atakbah.”