MIKA 4:10 - AMÜSÜH HÜM CL Bible (BSI)

¹⁰ O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.

MIKA 4:10 Iomraidhean Croise

2 KIULONG THSÜRÜ 20:18

Nü kilim zübejihkhi tsührü athrürü khürü hande atsobah; arübo Babilon kiulongthsüpuh yam ching dukhabo labah.”

2 KIULONG THSÜRÜ 25:4

Judüki kiuto chipi ching ahopung thsakham; Kaldearünü kiuto mükamde zündodo she kiulongthsüpuh lung bonungrü alala kiulongthsüpuh shahwün ki, chipi mahne dükeak ripit chingnü tsoabah. Arünü Araba thrippeang yü.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

2 KIUTHSÜYUKHEAN 36:20

Nukshang chingnü atsokhitrü apinü Babilon ramtso ching hanbah yü, tüsho Persia kiulongthsükhi khiungde arübo api le api tsührübo yamlarübo kam.

2 KIUTHSÜYUKHEAN 36:23

“Persia kiulongthsüpuh Sairusnü ha thachoh: Atungpuh , yinmi Thrünpuhnü, I kilim alomi kiulongthsü alala jihdo, tüsho Juda ching lakhi Jirusalem ching thüyam khülang thsüpü apinü I ki thiyukhüm jihdo. Nüsa api mihtsürü alala bolung shepü la? Atungpuh anihbuh Thrünpuh api lung lashang, tüsho api wu toshang!”

MUNGSHIKHÜN 106:10

Apinü arübo thraneanrü khah chingnü khümkhit, tüsho thiriri khah chingnü arü rhokhit.

ISAIA 43:14

Nü Rhokhitrü Israel Amüsüh Thrünpuh Atungpuhnü thachoh: Nü dünkheaknü inü bonungrü Babilon ching yüshihbah tüsho sangkaplakbo alala yihshakbah, tüsho Kaldearü ahokhi ju atüzhokhi kambah.

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

JEREMIA 13:4

“ Nünü thuloa yihkhi chimrüm khim luang, tüsho kheakü Euphrarü kilim yüang, tüsho ju lungkhün ching rama zoang.”

JEREMIA 15:21

Inü nü mihbukmuyuk khah chingnü bekhitbah, tüsho mihmukhiuh khah chingnü rhokhitbah.

JEREMIA 29:20

Tüshe kheakü, inü Jirusalem chingnü Babilon ramtso ching yüshihrübo nüsa alala, Atungpuh yu aniang:

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 48:41

Kerioth kiutobo ju ayanbah tüsho chipi ayünkhibo thsümünimbah. Ju nimung Moab thirithsürübo mulong ju aliberü thsünükhi nangde alabah.

JEREMIA 52:27

Tüsho Babilon kiulongthsüpuhnü Hamath lomi Ribla ching arübo kingsahabah. Jumonü Judarü ju nihbuh lomi chingnü ramtso ching yükheah.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

HOSEA 13:13

Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü.

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MIKA 5:3

Jumonü thsünüde alakhi liberünü müzübeyi kim khiungde apinü arü bahyukbah; jushu aningkhi api keoniorü Israel mihtsürü kilim alode arübah.

AMIKHEAKAKHIUKKHI 12:14

Tüshe alibe kilim müleang topü ghidükeang mahne jihbah phuruto kinü phinde, anihbe kam mahsam kheak thripkhüh kümpü lakhi dangpung sunglo ching yü.