MIKA 3:8 - AMÜSÜH HÜM CL Bible (BSI)

⁸ Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

MIKA 3:8 Iomraidhean Croise

JOB HU H T ANYU 32:18

Tümüde I a thiyubonü milah; I kheak lakhi menü I athsungchoh.

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

JEREMIA 1:18

Tüsho kheahang, khihni inü nü kilim chipi ayünkhi kiuto, yinchi dungjing, müwayinchi rhü, lomi alala azhihde– Juda kiulongthsürübo, yakzanshuhrübo, amükeamrübo tüsho lomi mihtsürü azhihde thsüjihdo.

JEREMIA 20:9

Inü tha, “ Inü api mütam, yungsho kheaküa api mung ching masuk,” judüki I mulong ching mo nangde takchoh, I robo ching mükhipchoh; ju ching ramlokhinü I khilah, tüsho inü mukuk.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

EZEKIEL 16:2

Mihtsürü tsührü, Jirusalem ki athraneanbebo mükheahshang

EZEKIEL 20:4

Nünü arü mahkhapba shi? Nünü arü mahkhapba shi, mihtsürü tsührü? Dale tüsho arü buhrünü athraneanbe rhimokhibo arü ki mükheahshang,

EZEKIEL 22:2

Mihtsürü tsührü, nünü mahkhapba shi, nünü ha thiyih bukkhi kiuto mahkhapba shi? Anihbe athraneanbe rhimobo alala huhang

EZEKIEL 23:36

Atungpuhnü I ki tha: Mihtsürü tsührü, nünü Ohola tüsho Oholiba mahkhapba shi? Dale tüsho ane ki ane athraneanbe rhimobo thakhitang.

EZEKIEL 3:14

Judüki menü I shuhkih tüsho bebah tso, tüsho I kheak Atungpuh khah amüküp lade, khühde tüsho I me bukakhiukkhi chingnü yü.

EZEKIEL 43:10

Mihtsürü tsührü, nünü Israelrü ki arüngyam dünkheak thaang, tüsho arünü ha lümshang; tüsho arünü arü mülimkhibo dünkheak achih ngüshang.

MATHI 7:29

tümütüsho apinü arü yakzan thsangyurübo ruk yungde thiyukhüm-sühmüh larü khülang nangde arü ki thsangyu.

MARK 3:17

Zebedee tsührü Jakob tüsho aniurü Johan (apinü arü ki Tsüngmuk tsührübo dükhi amütsan Boanerges de ji);

1 KORINT 2:4

tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,