MIKA 3:11 - AMÜSÜH HÜM CL Bible (BSI)

¹¹ Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 3:11 Iomraidhean Croise

MÜCHITMUDU 17:23

Thiyuro limro bephülappü mihbukmuyuknü ramde buknim luchoh.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 48:2

Tümüde arünü amüsüh kiuto mihkhung ah de thachoh, tüsho Israel Thrünpuh kheak angükihchoh; shepü mung ju Wuto Atungpuh la.

ISAIA 5:23

shepü buknim khülang thsungkheaknü amülim ngücho, tüsho amülim mülarü ki arü alimbo junocho!

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 26:7

Amükeamrübo le wukihrübo tüsho mihtsürü alalanü Jeremianü harü thakhi yubo so.

JEREMIA 5:12

Arünü Atungpuh dünkheak mülimde asukdo, tüsho tha, “Apinü tümü müthsü. Tümü amütsü isa kheak marü, tüsho isanü thirithsü yungsho khümzung müngü.”

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

EZEKIEL 22:27

Ju ching lakhi atorübo ju shiwüh thonakbe, thiyih bukpü, thiyuro mülakhi alü ngüpü rhangdungbo thsümünimkhi rimrebo nangde lah.

EZEKIEL 34:2

Mihtsürü tsührü, Israel namfimihnu neakrü azhihde müchitang: müchitang, tüsho namfimihnu neakrübo ki thaang: Atungpuh Thrünpuhnü ha thachoh: Nüsa nihbuh tsühyungrü Israel namfimihnu neakrübo are! Namfimihnu neakrübonü namfimihnu yimkipbe yung de?

HOSEA 4:18

Arünü ayungshu she, mutukzhakde beyapchoh; arü yakzanshuhrübonü achihbe limro muzhochoh.

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

AMOS 5:14

Amütsü yungde atsü yimang, junangde nüsa alabah; tüsho junangde nüsanü athakhi nangde Atungpuh , Wuto Thrünpuh nüsa lung labah.

AMOS 9:10

I mihtsürü aneakrü alala nukshangnü ashebah, sherünü tha, “Amütsünü isa müyanphuh yungsho mushoru.”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MALAKI 2:9

jumonü inü nüsa mihtsürü alala miki khenoshih tüsho abobe kamshih, tümütüsho nüsanü I limrobo müyan tüshe nüsa yakzan ching jakkheahdo.

WÜHKHE 16:15

Tüsho Mosanü bukakhiukde Atungpuh ki tha, “ Arübonü kingaünkhi düleangkhi: Inü arü yo donki khülang lang she mulu, yungsho arü shepü kheak she amütsü mürhimo.”

WÜHKHE 22:7

Jumonü Moab tüsho Midia azothsürübonü arü khah ching mebelopü shuhbah Balaam kilim arü tüsho Balaknü athakhi yubo api ki tha,

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.