MIKA 3:1 - AMÜSÜH HÜM CL Bible (BSI)

¹ Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

MIKA 3:1 Iomraidhean Croise

NEHEMIA 13:17

Inü Jihudarü limberübo ki müdande tha, “Tümü thsükhi nüsanü Amunimung mükhemükimde amünean rhimocho le?

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 10:2

küpkhukrü thiyuro chingnü beakhinpü tüsho I mihtsürü zhochihrü alim bephülappü, junangde khimoberübo nüsa yo ayankhikhi kukruk thsübah, tüsho mürerübo nüsa shih thsübah!

EZEKIEL 22:6

Israel limberü alalanü nihbuh sühmüh ching kinchoh tüsho laksahdo.

EZEKIEL 34:2

Mihtsürü tsührü, Israel namfimihnu neakrü azhihde müchitang: müchitang, tüsho namfimihnu neakrübo ki thaang: Atungpuh Thrünpuhnü ha thachoh: Nüsa nihbuh tsühyungrü Israel namfimihnu neakrübo are! Namfimihnu neakrübonü namfimihnu yimkipbe yung de?

EZEKIEL 34:3

Nüsanü amüdang tsühchoh, nüsanü shihnamkhim phuyuchoh, nüsanü ashih kihkhi laksahchoh; tüshe nüsanü namfimihnu müyimkip.

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

1 KORINT 6:5

Inü ha nüsa achihbe thachoh. Keoniorü bolung zanzhakpü thsüde nüsa bolung lümlung lakhi mihtsürü müla de?

YUZÜNGTHALO 16:18

“Atungpuh nüsa Thrünpuhnü ajihkhi chipimurungbo ching nüsanü mahkhaprü tüsho atorübo nüsa trükbo yande moyukang, tüsho arünü thiyuro mahkhapkhi yande mihtsürübo ki mahkhapbah.