MIKA 2:2 - AMÜSÜH HÜM CL Bible (BSI)

² Arünü thulubo lunechoh, tüsho jurübo jangkhichoh; thüyambo she lude tsochoh; arünü thüyam putungrü tüsho thüyam, mihtsürü tüsho arü yamrüplurüp junochoh.

MIKA 2:2 Iomraidhean Croise

1 KIULONG THSÜRÜ 21:1

Harü dünji dunglim: Jezreelrü Naboth kurungasolu khülang, Samaria kiulongthsüpuh Ahab yam rheang ki lakheah.

2 KIULONG THSÜRÜ 9:26

‘Naboth thiyih tüsho api tsührü thiyih inü yini ngükhi thsungkheak, Atungpuhnü tha, inü thiyuchihchimchoh, inü ha lo kheak nü kilim jihlobah.’ Kheakü jumonü api shuhkhitang tüsho Atungpuh yu yande api alo kheak shuh-a bahang.”

JOB HU H T ANYU 31:38

I lonü I azhihde zhia lasho, tüsho chamkubonü rukhühnü tripa lasho;

ABEKHIT 20:17

“Nünü nü yamhingrü yam dülune; nünü nü yamhingrü niuberü, ayamlarü, ayamlaberü, api moshipung, donki yungsho api lakhi tümü dülune.”

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

JEREMIA 22:17

Tüshe nü mükbo tüsho mulong thiyuro mülakhi alü thsüpü amülim mülarü thiyih bukpü, tüsho juno-rhimopü tüsho athsümünim-yakli rhimopü lang ah.

EZEKIEL 18:12

Apinü zhochihrü tüsho müthsümülarü junochoh. Apinü jangkhijangra rhimochoh. Apinü thiyuchihchimde alukhi müjihlo, apinü sangthsübo kilim kheahchoh. Apinü athraneanbebo rhimochoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

EZEKIEL 22:13

Kheahang, nü ahühkhi tüsho alaksahkhi kheak inü I khah adanchoh.

EZEKIEL 33:26

Nüsanü nüsa nukshangbo kheak düthsün angüchoh, nüsanü athraneanbe yihbeakchoh, tüsho nüsa mihbüm abannü nihbuh yamhingrü niuberü thsümünimchoh; dale nüsanü alo mükühba de?

EZEKIEL 45:9

Atungpuh Thrünpuhnü ha thachoh: Suhdo, O Israel kiulongthsürübo! Athsümünim tüsho junokhi bahyukang, tüsho tümü thiyuro tüsho alungkianü rhimoang. Nüsanü I mihtsürü yankhitkhi arün thsang, Atungpuh Thrünpuhnü thachoh.

EZEKIEL 46:18

Kiulongthsüpuhnü mihtsürübo lakhit tümü she lude mutsobeah; apinü anihbuh lakhit chingnü atsührübo kilim yamrüplurüp jihbah, junangde I mihtsürü sheshe arü lakhit chingnü müyankhit.

EZEKIEL 8:17

Apinü I ki tha, “Mihtsürü tsührü, nünü ha ngünah? Juda yamkhünnü ha ching athraneanbe rhimokhi ha anikhüh-a de? Arünü athsümünimnü lomi she amishihba de tüsho mutuklode I bukakhiukshihba de? Arünü khide mükhemükimde arhimokhi kheahang!

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 8:4

Ha aniang, nüsa müthsümülarü jungrübo, tüsho lomi ching zhochihrü ki athsümünim hande arürübo,

MIKA 3:9

Ha aniang, nüsa Jakob yamkhün limberübo tüsho Israel yamkhün yakzanshuhrübo, sherünü thiyuro thraneancho tüsho alim alala bephülapcho,

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

1 TIMOTHI 6:10

Tümüde sho muzhokhi ju amütsü alala yo aying ah; ha künkhi hode khürü akin chingnü bephülapde tsodo tüsho hihde dukmüsüpkhinü arü mulongbo chinkhitdo.