MIKA 2:11 - AMÜSÜH HÜM CL Bible (BSI)

¹¹ Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

MIKA 2:11 Iomraidhean Croise

1 KIULONG THSÜRÜ 13:18

Judüki wukihrü awünbuhnü alo, “Nü nangde I she wukihrü ah, tüsho Atungpuh yu hode yunirü khülangnü I ki tha: Api nü lung belobah nü yam ching arang, junangde apinü jim tsühbah tüsho ke yungbah.” Tüshe apinü anihbuh ki akeangyu thade alakheah.

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

JOB HU H T ANYU 31:5

Inü akeangyu ching tsah-a lasho, tüsho mülapmüjipü ching I jing athria lasho–

MÜCHITMUDU 25:14

Shepünü arükchihnü jihchungkhi kheak kükheangchonü tsüng mübekhi amobo tüsho apung ruk ah.

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

JEREMIA 23:25

Akeangyu müchitrü wukihrübonü I mung chingnü athakhi inü sodo, “ Inü mido, inü mido!”

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.