MIKA 2:10 - AMÜSÜH HÜM CL Bible (BSI)

¹⁰ Asürang tüsho yüang; tümüde ha sühakhim dangpung yung, tümütüsho mümüsühkhinü ha khitode thsümünima lah.

MIKA 2:10 Iomraidhean Croise

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIUTHSÜYUKHEAN 7:20

jushu a inü nü kilim jihkhi lomi chingnü nü rukkhita bahbah; I mung thsungkheaknü inü amüsühkhitkhi ha yam I mikinü inü abahyukbah, tüsho ha mihtsürü alala bolung müchitmudu tüsho münedung khülang kamshihbah.

MUNGSHIKHÜN 106:38

tüsho amülim-mülarü thiyih bukshih, arü tsührübo le tsührübebo thiyih she, Kananrü sangthsübo kilim shuhmülanga jih; tüsho alo ju thiyihnü müneana lakheah.

MUNGSHIKHÜN 95:11

Jumonü inü I mulong zhipzhip ching thiyuchihchim thsü, ‘ Arünü I sühakhim ching müyüzah.’ ”

JEREMIA 10:18

Tümüde Atungpuhnü ha thachoh: Ha kim ching inü lomi mihtsürübo lahkhita bahpü thsülah, tüsho inü arü kheak thsümütsü handarübah; junangde arünü angübah.

JEREMIA 3:2

Awung mujukbo kheak abina kheahang! Küching nü müyapkhi la? Loshelo ching Arabrünü ajimkhi nangde limro mungyean nünü muzhoachihrü aleangkheah. Nü müzammüram tüsho mihbukmuyuknü lomi müneanjih.

JEREMIA 9:19

Tümüde mitripkhi düsheak Zion ching sochoh: “ Küde isa thsümünima la! Isa abümnü achihdo, tümütüsho isanü lomi bahjihdo, tümütüsho arünü isa lapung keamshihdo.”

EZEKIEL 36:17

Mihtsürü tsührü, küyimki Israel yamkhün arü nihbuh lo kheak lakheanü, arünü arü limrobo tüsho arü rhimobonü ju müneanjih; I miki arü limro ju aliberü nihbe khinushihcham yüchoki mümüsühkhi nangde alakheah.

EZEKIEL 36:19

Inü arübo trükshih bolung hiumüzütshih, tüsho arübo lomibo ching müzütshih; arü limro tüsho rhimobo yande inü arü mahkhap.

YUZÜNGTHALO 12:9

tümüde Atungpuh nüsa Thrünpuhnü ajihpü lakhi sühakhimpung tüsho yamrüplurüp nüsanü mukhiungyi.

YUZÜNGTHALO 30:18

nüsa tsükjide adükheakbah de inü khihni nüsa ki zhiyukchoh; nüsanü Jordan hode yübah müküh-a lupü lakhi lo ching nü jingtsüpkutsüp müla.

YUZÜNGTHALO 4:26

khihni nüsa azhihde inü thüning tüsho alo jichoh, junangde nüsa Jordan hode ayükhi lomi chingnü shahde adükheakkhambah; nüsa nimungbo mushuhakhin, tüshe shahde adükheakbah.