MIKA 2:1 - AMÜSÜH HÜM CL Bible (BSI)

¹ Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

MIKA 2:1 Iomraidhean Croise

THRÜNTAN 31:29

Inü nü thsümünimpü sühmüh lah, tüshe nü buh Thrünpuhnü yishih I ki asuk, ‘Nünü Jakob ki atsü yungsho amütsü müthapü kümkangang.’

1 KIULONG THSÜRÜ 21:7

Aniube Jezebelnü api ki tha, “Nünü kheakü Israel yakzan shuhla de? Asürang, tsühyungbe khürü tsühang, tüsho asühang; inü Jezreelrü Naboth yo kurungasolu nü jihbah.”

ESTER 3:8

Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

ESTER 5:14

Ju ching aniube le amüyamrübonü hade tharung, “Nünü süksahdung ashanglim limthrip 22nü thsang, jude thsah shido yapsu kiulongthsüpuh ki thabah Mordekai ju kheak zhinde sheshang, tüsho nü aniojikhi ching asühde yüang.” Haman nü ha lümkhi atsü ah de lümbah süksahdung thsakham.

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

JOB HU H T ANYU 15:35

Arünü küpkhuk mihlachoh tüsho amütsü-rhimo zübechoh; tüsho arü nuyamnü mulomülap thsakhamchoh. Job.

JOB HU H T ANYU 24:14

Mihlaksahrünü zhochihrü tüsho mükheakmürakrü laksahpü mükikde asürüchoh tüsho azhing ching ahührü nangde lah.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 36:5

O Atungpuh , nü muzhodakkhi yinmibo, nü thiyuro-lakhinü thüningbo khiunglah.

MUNGSHIKHÜN 58:3

Mihbukmuyuknü nuyam chingnü tsophülapchoh, arünü arü zübekhi chingnü akeangyu thade amülim thsüchoh.

MÜCHITMUDU 12:2

Mihtsürü atsü a Atungpuh kilimnü amuzho ngüchoh, tüshe amütsü asahrübo apinü bahyukchoh.

MÜCHITMUDU 14:22

Sherünü amütsü asahchonü lakmihchoh yung de? Tüshe sherünü atsü asahchonü amuzho tüsho mulonglam ngüchoh.

MÜCHITMUDU 3:27

Arhimopü nü kheak wu lachoki athülünrü kheaknü atsü dütuklo.

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

ISAIA 29:20

Tümüde mihlungchihrü mülade akambah, tüsho lülüshishirü akheam thsübah; amütsü rhimopü athrirü alala kheamshihbah–

ISAIA 3:14

Atungpuhnü azothsürü tüsho api mihtsürü yakzanshuhrü ki mahkhappü ching yüzahchoh: Nüsanü kurungasolu thsümünima bahkheah; zhochihrü thsümüchipü nüsa yambo ching lah.

ISAIA 32:7

Amütsü mihtsürü lümkhi amütsübo ju rhimo amütsü lah; küpkhukrünü amushuchoki alungki lachoki thsüthsü she arünü akeangyubo thade zhochihrü thsümünimpü lümkhi thsüchoh,

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

EZEKIEL 11:2

Atungpuhnü I ki tha, “Mihtsürü tsührü, harü mihtsürü ha lümkhi amütsü thsürübo tüsho ha kiuto ching mihbukmuyuk athsunganah jihchoh.

EZEKIEL 33:26

Nüsanü nüsa nukshangbo kheak düthsün angüchoh, nüsanü athraneanbe yihbeakchoh, tüsho nüsa mihbüm abannü nihbuh yamhingrü niuberü thsümünimchoh; dale nüsanü alo mükühba de?

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

EZEKIEL 46:18

Kiulongthsüpuhnü mihtsürübo lakhit tümü she lude mutsobeah; apinü anihbuh lakhit chingnü atsührübo kilim yamrüplurüp jihbah, junangde I mihtsürü sheshe arü lakhit chingnü müyankhit.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

NAHUM 1:11

Nü kheaknü rük amütsü thsüde Atungpuh azhihrü wukhiukdo.

ZEKARIA 7:10

khimoberü, mürerü, khiungkerü, yungsho zhochihrü düjuno; tüsho khülangnü khülang azhihde nüsa mulong ching amütsü lümkhi düthsü.

MARK 15:1

Yapsu nahde amükeam putungrübonü azothsürü le yakzan thsangyurü tüsho kiuthsübinkiu alala bebah küdangkhi la; tüsho arünü Jisu rhükbah bede yünü Pilat kilim jih.

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

YUNIRÜBO RHIMO 23:12

Küyimki ayinkhikhea, Jihudarübonü rük yim tüsho Paul mülaksahyikia mütsühyungpü thiyuchihchim thsü.

YUNIRÜBO RHIMO 23:15

Kheakü jumonü kiuthsübinkiu lung arihbah nüsanü api ki keokhikeorapü nangde bede akipü limthobuh ki lümkhi jihang; tüshe thüninde marüyide isanü api laksahpü thsakhambah.”

ROMRÜ KILIM PAULNÜ ATHRÜTKHI KIHÜM HUHTANYU 1:30

dünthamungtha, Thrünpuh thraneanrü, mükmürüm, lungkhangkhi, kükheangkhi, amütsü rhimo, berübuhrü ki mihyumanikhi,

YUZÜNGTHALO 28:32

Nü tsührü le tsührübebo püpürü mihtsürü kilim jihbah, tüsho nimung aban arü alode arüpü nü mükji tukde akheahbah; tüsho nü khah ching sühmüh mülade akambah.