MIKA 1:2 - AMÜSÜH HÜM CL Bible (BSI)

² Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

MIKA 1:2 Iomraidhean Croise

1 KIULONG THSÜRÜ 22:28

Mikaianü tha, “Mürangkhüh nü mungtsü ching alode arüsho, Atungpuhnü I hode masukkheah.” Tüsho apinü tha, “Nüsa mihtsürü alalanü aniang.”

2 KIUTHSÜYUKHEAN 18:27

Mikaianü tha, “Mürangkhüh nü mungtsü ching alode arüa lasho, Atungpuhnü I hode masuk.” Tüsho apinü tha, “Aniang, nüsa mihtsürübo alala!”

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

MUNGSHIKHÜN 28:2

Inü arung thsungkheak nü ki zhide, nü amüsüh arüngyam lim I khah chungkihchoki, inü amushukhi düsheak sojang.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 50:12

I khümde lakhülaa, inü nü ki mütha; tümüde alomiküp tüsho ju ching lakhi alala I yo ah.

MUNGSHIKHÜN 50:7

Aniang, O I mihtsürü, tüsho inü asukanü, O Israel, inü nü azhihde thiyumütsan jihanü. I Thrünpuh, nü Thrünpuh ah.

MÜCHITMUDU 8:4

O mihtsürübo, inü nüsa ki jichoh, tüsho I düsheak ju mihtsürü tsührübo kilim lah.

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 50:7

Atungpuh Thrünpuhnü I rungchoh; jumonü I achih müngü; jumonü inü molaklung nangde I miro kheah, tüsho I achih müngü de inü mükheah;

JEREMIA 22:29

O alomi, alomi, alomi, Atungpuh yu aniang!

JEREMIA 29:23

tümütüsho arünü Israel ching atrebe neak yihbeakkhi lah tüsho arü yamhingrü niuberü kheak müzammüram yihbeak tüsho arü ki thiyukhüm müjihkhi akeangyubo I mung chingnü asukdo; inü mükheahlah tüsho I thiyumütsan ah, Atungpuhnü thachoh.

JEREMIA 42:5

Arünü alode Jeremia ki tha, “Atungpuh nü Thrünpuhnü isa thsungkheak nü hode thiyukhüm jihkhi yande lüpdükhi isanü mürhimosho Atungpuh thiyuro lashang tüsho isa azhihde athülünkhi thiyumütsan thsüshang.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

JONA 2:7

I rhangdung keamyukde atsochoki, inü Atungpuh lümkhit; tüsho I tamkhüntamnü, nü amüsüh arüngyam ching arü.

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

MALAKI 2:14

Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

YUZÜNGTHALO 32:1

O thüningbo, aniang, tüsho inü athabah; tüsho alominü I mün chingnü athakhi aniang.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 3:13

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 3:22

Shepü nükhün kihlanü, Menü borübo ki tümü thachonü apinü aniang.’ ”

AMIKHEAKAKHIUKKHI 3:6

Shepü nükhün kihlanü, Menü borübo ki tümü thachonü apinü aniang.’

MAHKHAPRÜ 11:10

Tüsho Gilead limberübonü Jephtha ki tha, “Isanü nü yubo yande mürhimosho, isa dükeak Atungpuh thiyumütsan labah.”