MIKA 1:1 - AMÜSÜH HÜM CL Bible (BSI)

¹ Juda kiulongthsürübo Jotham, Ahaz tüsho Hezekia nimungbo ching apinü Samaria tüsho Jirusalem dünkheak ngükhi Moreshethrü Mika ki arükhi Atungpuh yu.

MIKA 1:1 Iomraidhean Croise

2 KIULONG THSÜRÜ 15:32

Israelrü Remalia tsührü kiulongthsüpuh Peka kam mahnepü ching Judarü Uzzia tsührü kiulongthsüpuh Jothamnü kiulongthsüpü tankih.

2 KIULONG THSÜRÜ 15:5

Atungpuhnü kiulongthsüpuh kheak shik, junangde api ashe khiungde apham kih, tüsho thüyam büthsükhi ching lakheah. Kiulongthsüpuh tsührü Jothamnü kiulongthsüpuh yam kheahde lomi mihtsürü ki yakzan shuhde alakheah.

2 KIULONG THSÜRÜ 16:1

Remalia tsührü Peka kam thürükheak thünepü ching Judarü Jotham tsührü kiulongthsüpuh Ahaznü kiulongthsüpü tankih.

2 KIULONG THSÜRÜ 18:1

Israelrü Ela tsührü Hoshea kiulongthsü kam asampü ching Juda kiulongthsüpuh Ahaz tsührü Hezekianü kiulongthsüpü tankih.

2 KIUTHSÜYUKHEAN 28:1

Ahaz kiulongthsüpü tankihchoki kam 20 azorü lakheah; apinü Jirusalem ching kam thürükheak thuruk kiulongthsü. Api jipürü Davidnü arhimokhi nangde apinü Atungpuh miki alungki mürhimo,

2 KIUTHSÜYUKHEAN 29:1

Hezekia kam 25 azorü lachoki kiulongthsüpü tankih; apinü Jirusalem ching kam mukukheak tuku kiulongthsü. Abe mung ju Zekaria tsührübe Abija lakheah.

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 7:1

Uzzia tsührü, Jotham tsührü Ahaz, Juda kiulongthsüpuh nimungbo ching, Siria kiulongthsüpuh Rezin tüsho Remalia tsührü Israel kiulongthsüpuh Pekanü Jirusalem yanpü wutu, tüshe müyankhuk.

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

HOSEA 1:1

Atungpuh yusheak ha Juda kiulongthsürü Uzzia, Jotham, Ahaz, Hezekia tüsho Israel kiulongthsüpuh Jehoash tsührü Jeroboam nimungbo ching Beeri tsührü Hosea kilim arü.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

AMOS 1:1

Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

MIKA 1:5

Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de?

MIKA 3:9

Ha aniang, nüsa Jakob yamkhün limberübo tüsho Israel yamkhün yakzanshuhrübo, sherünü thiyuro thraneancho tüsho alim alala bephülapcho,

HABAKKUK 1:1

Ha Atungpuhnü wukihrü Habakkuk ki akhiuka huhkhi yusheak ah.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.