MATHI 9:4 - AMÜSÜH HÜM CL Bible (BSI)

⁴ Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

MATHI 9:4 Iomraidhean Croise

MUNGSHIKHÜN 139:2

Nünü I binkhi tüsho asürükhi mükheahlah; nünü I lümkhi limshu chingnü mükheahlah.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

MATHI 12:25

Jisunü arü lümkhi mükheah tüsho arü ki tha, “Nihbuh azhihde achamnakkhi kiulongthsü aban thsümünimbah, tüsho nihbuh azhihde achamnakkhi kiuto yungsho yamkhün aban müzhipkhuk.

MARK 12:15

Isanü ajihba shi müjihbea?” Tüshe apinü arü yiuhkhapkhi mükheahde arü ki tha, “Tümüde nüsanü I rükakicho? I kilim adholi 1 lubah arang, tüsho inü ju kheahanü.”

MARK 2:8

Ha arü mulong ching lümde alakhi ah de Jisunü nahdü lang api me chingnü mükheah, tüsho arü ki tha, “Tümüde nüsanü hadürü lümcho?

LUKNÜ ATHRÜTKHI THIYUSHEAK-ATSÜ HUHTANYU 11:17

Tüshe apinü arü lümkhibo mükheahde arü ki tha: “Kiulongthsü aban nihbuh azhihde achamnakkhi athsümünim kamchoh, tüsho yamkhün khülangnü nihbuh yamkhün azhihkhi ju lungabahchoh.

LUKNÜ ATHRÜTKHI THIYUSHEAK-ATSÜ HUHTANYU 5:22

Küyimki arünü akeokhikhi Jisunü anikhitkheanü apinü arü ki tha, “Tümüde nüsanü nüsa mulong ching keokhicho?

LUKNÜ ATHRÜTKHI THIYUSHEAK-ATSÜ HUHTANYU 6:8

Tüshe apinü arü lümkhibo mükheah, tüsho khah shekhia labuh mihtsürü ki tha, “Arang tüsho ha ching zhipang.” Tüsho apinü wusubah ju ching zhip.

LUKNÜ ATHRÜTKHI THIYUSHEAK-ATSÜ HUHTANYU 7:40

Tüsho Jisunü api ki alojihde tha, “Simon, inü nü ki tümüanü athapü lah.” Apinü alo, “Ju tümü a, Thsangyurü?”

JOHAN 16:19

Kheakü arünü api ki keonelah de Jisunü mükheahbah apinü arü ki tha, “Nüsa bolung inü, ‘Sühkhüh labah nüsanü I müngü; tüsho kheaküshe sühkhüh labah nüsanü I ngülobah,’ de athakhi keokhiachihcho de?

JOHAN 16:30

Kheakü nünü alala mükheahlah de isanü mükheahlah, tüsho shenü she nü ki keokhipü yihnüpü müla. Ha hode nü ju Thrünpuh kilimnü arükheah de isanü kinlah.”

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 6:61

Küyimki api jingyanrübonü ha dünkheak arü bolung dapdaprarakhi mükheahkhea, apinü arü ki tha, “Hanü nüsa masühde kamshihcho shi?

JOHAN 6:64

Tüshe nüsa amükinrü khürü lah.” Tümüde atankih chingnü amükinrübo ju she a tüsho shepünü api yinatsühbanü Jisunü mükheah.

YUNIRÜBO RHIMO 5:9

Tüshe Peternü alibe ki tha, “Atungpuh Me rükakipü thsüde küde thsah nükenü rukhüh mulongkhea? Kheahang, nü niubuh hande awukhiukrü lah, tüsho arünü nü she hande awukhiukbah.”

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.