MATHI 9:2 - AMÜSÜH HÜM CL Bible (BSI)

² Mihtsürü khürünü thripshe tukthsürü khülang yapkiu kheak yapshihbah api kilim bedarü. Küyimki Jisunü arü akin ngükhea, apinü thripshe tukthsübuh ki tha, “Mulong toang I tsah-a; nü neakbo bahjihdo.”

MATHI 9:2 Iomraidhean Croise

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

MATHI 14:27

Tüshe Jisunü nahde arü ki tha, “Mulong toang! Ha I ah. Dütre.”

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

MATHI 6:12

isanü isa mahputungrü neak bahjihkhi nangde, isa mah she bahjang;

MATHI 8:10

Küyimki Jisunü ha sokhea, api müyinsah tüsho api dunglim yanrübo ki tha, “Inü nüsa ki thiyuro thachoh, ha ruk akin ato lakhi inü Israel ching müngü.

MATHI 8:16

Küyimki arelim kamkhea, arünü api kilim amünean me yüzahkhi ahihdo bebah arü. Apinü thiyu khülangnü mebo yankhit, tüsho tukthsürü alala thsüngu,

MATHI 9:22

Tüshe Jisunü rholobah alibe ngü tüsho anihbe ki tha, “I tsührübe, mulong toang; nü akinnü nü ngudo.” Tüsho ju kim chingnü alibe ju nguabah.

MATHI 9:5

Tümütüsho, ‘Nü neakbo bahjihdo,’ yungsho ‘Asürang tüsho tsahang,’ de athakhi küpü amülübe laba?

MATHI 9:6

Junangde alomi ching neakbo bahjihpü Mihtsürü Tsührü wu lah de nüsanü amükheahbah”–judüki apinü thripshe tukthsübuh ki tha, “Asürang, nü yapkiu hanang tüsho nü yam lim yüang.”

MARK 1:32

Kheakü arelim, ani yüzahbah, arünü tukthsürü tüsho amünean me yüzahrü alala api kilim bedarü.

MARK 10:49

Jumonü Jisunü zhikde zhip tüsho api jiang de tha. Judüki arünü müktukkhi mihtsürü ju jibah api ki tha, “Asühang. Asürang, apinü nü jichoh.”

MARK 5:34

Tüsho apinü alibe ki tha, “I tsah-a, nü yo akinnü nü thsüngudo. Akhimahede tsoang, tüsho nü tukthsü nguabahang.”

MARK 6:50

tümüde arü alalanü api ngü tüsho trede alakheah. Apinü nahde arü ki asukachih tüsho tha, “Mulong toang! I ah; dütre.”

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

JOHAN 21:5

Judüki Jisunü arü ki tha, “Athrününgtsüngbo, nüsa tsühyungbe khürü la shi?” Arünü api ki alo, “Müla.”

YUNIRÜBO RHIMO 14:9

Apinü Paul yu thakhi so. Paulnü api ju tsüde kheah tüsho athsüngupü api akin lah de kheahyukbah

YUNIRÜBO RHIMO 19:12

junangde apinü ashuhkhi shokenanbe yungsho khimnunupübo lude tukthsürü kilim yü, tüsho arü kheaknü tukthsübo ngu tüsho amünean mebo wukhiuk.

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

JAKOB 2:18

Tüshe khürünü athabah, “Nü akin lah tüsho I a rhimobo lah.” Nü rhimobo mübede I ki nü akin huhang, tüsho I rhimobo hode inü nü ki I akin huhbah.