MATHI 9:17 - AMÜSÜH HÜM CL Bible (BSI)

¹⁷ Yungsho shenü she shihküp-keluh awün ching yukhu amühdo muyukchoh, jude thsüsho shihküp-keluh lahrüpbah tüsho yukhu ju müyeana bahbah, tüsho shihküp-keluh ju athsümünimbah. Tüshe arünü shihküp-keluh aso ching yukhu amühdo yukchoh, tüsho ane chido müthsümünimde lachoh.”

MATHI 9:17 Iomraidhean Croise

JOB HU H T ANYU 32:19

I mulong ju asheak tsopung mülakhi yukhu ruk ah; yukhu aso nangde, ha ajukpü thsüchoh.

MUNGSHIKHÜN 119:83

I a mokhüh yüngkihkhi shihküp-keluh nangde yihnüpü müla; tütüshe inü nü yukhümbo mümih.

MATHI 9:16

Shenü she khim amürhüt kheak aso mükhüpkihchoh, tümütüsho akhüpkihkhi ju khim kheaknü rukkhichoh tüsho arukrüpkhi amütsübe kamshihchoh.

MATHI 9:18

Apinü arü ki harü thade alachoki, Jihudarü atorü khülang api ki arübah khukningde tha, “I tsührübe kheakü shea lah, tüshe arübah anihbe kheak nü khahnü qiuang tüsho alibe arhang labah.”

MARK 2:22

Yungsho shenü she shihküp-keluh awün ching yukhu amühdo muyukchoh; jude thsüsho shihküp-keluh ju atrübah tüsho yukhu bukkhitbah, tüsho shihküpkeluh ju athsümünimbah. Tüshe shihküp-keluh aso ching yukhu amühdo yukbeah.”

LUKNÜ ATHRÜTKHI THIYUSHEAK-ATSÜ HUHTANYU 5:37

Tüsho shenü she shihküpkeluh awün ching yukhu amühdo muyukchoh; apinü jude thsüsho amühdo yukhunü shihküpkeluh lahrüpbah ju amüyeanbah, tüsho shihküp-keluh thsümünimbah.

LUKNÜ ATHRÜTKHI THIYUSHEAK-ATSÜ HUHTANYU 5:38

Tüshe yukhu amühdo ju shihküpkeluh aso ching yukbeah.

JIHUSUA 9:4

arünü api ki limburü nangde rük thsüpü lüm, tüsho arübonü tsühyungbe yimkhiyimduhbah shungliukhim amürhüt tüsho shihküp qiuqiu awünbonü donki kheak hah thsüa mühah.