MATHI 8:4 - AMÜSÜH HÜM CL Bible (BSI)

⁴ Tüsho Jisunü api ki tha, “Aniang, nünü she ki dütha; tüshe nü limro ching yüang, amükeamrü ki nü huhang, tüsho Mosa yukhüm yande arü ki mütsan thsüpü thsambah jihang.”

MATHI 8:4 Iomraidhean Croise

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

LEVI 13:49

mürangkhüh jurü kheak phüyakde yungsho mamde lasho, ju abube mokri tukthsü ah, tüsho ju amükeambuh ki huhbeah.

MATHI 10:18

Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

MATHI 16:20

Judüki apinü ajingyanrübo ki api ju Jisu Khrista ah de she ki she dütha de tha.

MATHI 17:9

Arü awung chingnü akibah, Jisunü arü ki thiyukhüm jihde tha, “Mihtsürü Tsührü ashe chingnü masürüyikia she ki she ha michih dütha.”

MATHI 3:15

Tüshe Jisunü api ki alo, “Kheakü judü lang thsang; tümüde thiyuro-lungki alala dünjipü thsüde isa thsungkheaknü ha rhimopü alim lah.” Jumonü Johannü he de ani.

MATHI 5:17

“I ju yakzan tüsho wukihrübo dükheakshihpü arükheah de dülüm. Adükheakshihpü yung tüshe adünjishihpü I arükheah.

MATHI 6:1

“Mihtsürübonü angüshihpü arü miki nüsanü thiyuro-lungki mürhimopü kümkangang. Nüsanü rhimosho, yinmi ching nüsa Abuh kilimnü nüsa thsambah müngü.

MATHI 9:30

Tüsho ane mükbo khimshuh. Jisunü ane ki müküpde tha, “Ha she ki she dütha.”

MARK 13:9

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

MARK 3:12

Tüshe api sheanü dümükheahshih de arü ki müküpde thiyukhüm jih.

MARK 5:43

Tüshe shenü she ju mümükheahshihpü arü ki müküpde thiyukhüm jih, tüsho alibe kilim atsühpü tümükhüh jihpü tha.

MARK 6:11

Tüsho sherünü nüsa müleangkhiba yungsho nüsa ki maniba, nüsa ju chingnü chamachihchoki arü azhihkhi thiyumütsan thsüde nüsa jing kheaknü asungthulung adankhia bahang.”

MARK 7:36

Judüki she ki she dütha de apinü arü ki thiyukhüm jih; tüshe apinü küdükhüh arü ki thiyukhüm jihkhea, ju dükhüh arünü ju alü thari.

MARK 8:30

Judüki api dünkheak she ki dütha de arü ki thiyukhüm jih.

MARK 9:9

Arü müzüng chingnü akide alachoki, Mihtsürü Tsührü ashe chingnü arhang mükamloyikia arünü tümü ngükheanü she ki she müthapü Jisunü arü ki thiyukhümbo jih.

LUKNÜ ATHRÜTKHI THIYUSHEAK-ATSÜ HUHTANYU 17:14

Jumonü apinü arü ngübah tha, “Yüang, nüsabo amükeamrübo ki huhang.” Junangde arü yübah müsühde kam.

LUKNÜ ATHRÜTKHI THIYUSHEAK-ATSÜ HUHTANYU 21:13

Tüshe ju nüsa thsungkheaknü thiyumütsan thsüpü kim labah.

LUKNÜ ATHRÜTKHI THIYUSHEAK-ATSÜ HUHTANYU 4:41

Tüsho amüneanbo she arü ahihkhüh chingnü zhide akhiuk, “Nü Thrünpuh tsührü ah!” Tüshe apinü arü thürüh, tüsho athapü arü ki mümülü, tümütüsho api ju Khrista ah de arünü mükheah.

LUKNÜ ATHRÜTKHI THIYUSHEAK-ATSÜ HUHTANYU 5:14

“Tüsho she ki she müthapü apinü arü ki tha; tüshe Mosanü thiyukhüm jihkhi nangde mihtsürübo ki thiyumütsan thsüpü amükeamrübo ki yübah huhang tüsho nü müsühkhitpü kingaün khülang jihang” de tha.

LUKNÜ ATHRÜTKHI THIYUSHEAK-ATSÜ HUHTANYU 8:56

Tüsho alibe bebuhrü müyinsah, tüshe tümü dünjikheanü she ki müthapü apinü arü ki tha.

LUKNÜ ATHRÜTKHI THIYUSHEAK-ATSÜ HUHTANYU 9:21

Tüsho apinü ha she ki müthapü müküpde tha.

JOHAN 5:41

Mihtsürü kilimnü inü wüntre müleangkhichoh.

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

JOHAN 8:50

Tüsho inü I müretahpü müyim; ju yimpü tüsho mahkhappü khülang lah.