MATHI 8:20 - AMÜSÜH HÜM CL Bible (BSI)

²⁰ Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MATHI 8:20 Iomraidhean Croise

MUNGSHIKHÜN 104:12

Arü hode thüning wuhnubo arü lapung lah; arünü sangkhahbo ching khün thsüchoh.

MUNGSHIKHÜN 104:17

Ju ching wuhnubonü arü sapbo shuchoh; kewuhnu a tsünsangbo ching ayam lah.

MUNGSHIKHÜN 109:22

Tümüde I a zhochihrü tüsho müthsümülarü ah, tüsho I mulong alung ching yuria lah.

MUNGSHIKHÜN 40:17

Tüshe I a zhochihrü tüsho mülamüthsürü ah; tütüshe Atungpuhnü I dünkheak lümshang. Nü I rungrü tüsho I bekhitrü;dashu, O I Thrünpuh.

MUNGSHIKHÜN 69:29

Tüshe I zhochihlah tüsho mulong rozhaklah; O Thrünpuh, nü akhümkhitnü I achang kheak lashang.

MUNGSHIKHÜN 84:3

Khüjak she thüyam ngüdo, tüsho kiurürüt she anunu khukhitpü asap lah– nü kingaün sadam dangpung thüninde, O Wuto Atungpuh , I kiulongthsüpuh tüsho I Thrünpuh.

DANIEL 7:13

Inü azhing michih ching kheahchoki, inü mihtsürü khülang nangde amonü mükamdobah arüde ngü. Tüsho apinü lün labuh ki arü tüsho api miki yü.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 12:40

Nimung mahsam tüsho tsüngre mahsam Jona thüngüh buk ching lakhi nangde, Mihtsürü Tsührü nimung mahsam tüsho tsüngre mahsam alo alunglim labah.

MATHI 12:8

Tümütüsho Mihtsürü Tsührü ju Amuni yo Atungpuh ah.”

MATHI 13:37

Apinü arü ki alo tüsho tha, “Shepü müjih atsü hiuchonü Mihtsürü Tsührü ah.

MATHI 16:13

Küyimki Jisu ju Kaesarea Filipi lomi ching arükhea, apinü ajingyanrübo ki keokhi, “Mihtsürübonü Mihtsürü Tsührü ju shepü ah de thacho?”

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 17:9

Arü awung chingnü akibah, Jisunü arü ki thiyukhüm jihde tha, “Mihtsürü Tsührü ashe chingnü masürüyikia she ki she ha michih dütha.”

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

LUKNÜ ATHRÜTKHI THIYUSHEAK-ATSÜ HUHTANYU 12:8

“Inü nüsa ki thachoh, shepünü mihtsürübo miki I leangkhibanü, Thrünpuh yunirübo miki Mihtsürü Tsührünü she api leangkhibah.

LUKNÜ ATHRÜTKHI THIYUSHEAK-ATSÜ HUHTANYU 18:8

Apinü arü ki niokheamde mahkhapjihbah de inü nüsa ki thachoh. Judüalalashe, küyimki Mihtsürü Tsührü arübanü apinü tsükjide alomi kheak akin lakhi ngüba de?”

LUKNÜ ATHRÜTKHI THIYUSHEAK-ATSÜ HUHTANYU 2:12

Tüsho nüsa thsungkheak ha amütsan khülang labah: khungarü khülang ahingbekhimnü hingbah hi-müjakpung ching yapde nüsanü angübah.”

LUKNÜ ATHRÜTKHI THIYUSHEAK-ATSÜ HUHTANYU 2:16

Arünü niokheamde yü tüsho Mari le Josep tüsho khungarü hi-müjakpung ching yapde ngü.

LUKNÜ ATHRÜTKHI THIYUSHEAK-ATSÜ HUHTANYU 2:7

tüsho alibenü nihbe tsührü akhuhbe zübe. Alibenü api ju khim chingnü hinga hi-müjakpung ching yapshih, tümütüsho arü binpü hanyam ching khiungshak mülade alakheah.

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 8:3

tüsho Herod yam ching atorü Khuza niube Joanna, Susanna, tüsho arünü athsükhukkhi chingnü arü ki jihchungrü püpürü ahihdo lakheah.

LUKNÜ ATHRÜTKHI THIYUSHEAK-ATSÜ HUHTANYU 9:58

Tüsho Jisunü api ki tha, “Rimrebo arü khünbo lah tüsho thüning wuhnubo arü sapbo lah, tüshe Mihtsürü Tsührü a küching she kurampung müla.”

JOHAN 1:51

Tüsho apinü anihbuh ki tha, “Atsütsü inü nü ki thachoh, ha dunglim nünü yinmi khimshuhbah Thrünpuh yunirübo Mihtsürü Tsührü kheak yükihla akila dükhi ngübah.”

JOHAN 12:34

Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

JOHAN 13:31

Jumonü küyimki api wukhiukkhea, Jisunü tha, “Kheakü Mihtsürü Tsührü müretahdo, tüsho api kheak Thrünpuh müretahdo.

JOHAN 3:13

Mihtsürü Tsührü yinmi chingnü akikhi kheak hode shenü she yinmi ching müyükihyi.

JOHAN 3:14

Tüsho Mosanü sunglo ching phuruto shuhkihkhi nangde, Mihtsürü Tsührü she ashuhkihbah,

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

JOHAN 6:53

Judüki Jisunü arü ki tha, “Atsütsü inü nüsa ki thachoh, nüsanü Mihtsürü Tsührü shih mütsühsho tüsho api thiyih muyungsho, nüsa kheak nüsa rhangdung müla.

JOHAN 6:62

Dale tüsho Mihtsürü Tsührü akhuhlim api lapung yükihde nüsanü ngükhülaa küde?

YUNIRÜBO RHIMO 7:56

tüsho apinü tha, “Kheahang, yinmi khimshuhkhi, tüsho Thrünpuh khah tsülim Mihtsürü Tsührü zhipkhi inü ngüchoh.”

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.