MATHI 8:2 - AMÜSÜH HÜM CL Bible (BSI)

² Judüki aphamrü mihtsürü khülang arü tüsho api miki khukningbah tha, “Atungpuh, nünü mulongsho I müsühkhitjang.”

MATHI 8:2 Iomraidhean Croise

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

2 KIULONG THSÜRÜ 15:5

Atungpuhnü kiulongthsüpuh kheak shik, junangde api ashe khiungde apham kih, tüsho thüyam büthsükhi ching lakheah. Kiulongthsüpuh tsührü Jothamnü kiulongthsüpuh yam kheahde lomi mihtsürü ki yakzan shuhde alakheah.

2 KIULONG THSÜRÜ 5:1

Siria kiulongthsüpuh bonungrü wühkenobuh, Naaman ju mungthu mihtsürü tüsho anihbuh putungrünü wüntre jihkhi lakheah, tümütüsho api hode Atungpuhnü Siria kilim akuk ngüshih. Api athrungrü amüzhak mihtsürü thsüa lalashe, aphamrü lakheah.

2 KIULONG THSÜRÜ 5:27

Jumonü Naaman apham ju nü tüsho nü tsühsoniuso kheak lünnü ayükihbah.” Jumonü anihbuh kheak phürüm nangde müyedo apham akhiukbah api mikinü tso.

WÜHKHE 12:10

tüsho küyimki amo ju khimyam kumungnü atsokheanü, kheahang, Miriam kheak apham phürüm müyekhi nangde akhiuk. Aronnü Miriam kilim abina kheahshe alibe apham kih-a lakheah.

MATHI 10:8

Tukthsü thsünguang, apham kihrü müsühkhitang, asherü arhang kamloshang, amünean me yankhitang. Nüsanü akeangnü leangkhido, akeangnü jihang.

MATHI 13:58

Tüsho arünü amükinmonü apinü ju ching khinthiyinbebo hihde mürhimo.

MATHI 14:33

Judüki sangkung ching larübo arü tüsho api kingaünde tha, “Tsükjide nü a Thrünpuh tsührü ah.”

MATHI 15:25

Alibenü arübah api miki khukningde tha, “Atungpuh, I rungang!”

MATHI 18:26

Jumonü yamlarünü api miki mükhümde tha, ‘Aputungrü, I ki arümkheamjang, tüsho inü nü alala shakbah.’

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

MATHI 20:20

Judüki Zebedee tsührübo abe, atsührübo bebah api ki arübah khukning tüsho api kilimnü tümükhüh kheang.

MATHI 26:6

Tüsho küyimki Jisu ju Bethani ching aphamrü Simon yam ching lakhea,

MATHI 28:17

Tüsho küyimki arünü api ngükhea, arünü api kingaün; tüshe khürünü lümshangmang.

MATHI 28:9

Arübo api jingyanrübo ki thapü yüchoki, zukleangnü Jisunü arü shorubah tha, “Nüsa lung mungtsü laang!” Tüsho arünü arübah ajing kheak ramrih tüsho api kingaün.

MATHI 4:9

Tüsho apinü anihbuh ki tha, “Nünü mükhümbah I kingaünsho harü alala inü nü kilim jihbah.”

MATHI 8:1

Küyimki api müzüng kheaknü akikhea, yimto atonü api yande yü.

MATHI 8:25

Judüki ajingyanrübonü api ki arü tüsho yihmusude tha, “Atungpuh, isa khümkhitang! Isa dükheakchoh!”

MATHI 9:18

Apinü arü ki harü thade alachoki, Jihudarü atorü khülang api ki arübah khukningde tha, “I tsührübe kheakü shea lah, tüshe arübah anihbe kheak nü khahnü qiuang tüsho alibe arhang labah.”

LUKNÜ ATHRÜTKHI THIYUSHEAK-ATSÜ HUHTANYU 4:27

Wukihrü Elija kim ching Israel ching aphamrü ahihkhüh lakheah; tüsho arü sheshe mümüsühkhit; tüshe Siriarü Naaman lang ah.”

JOHAN 9:38

Judüki apinü tha, “Atungpuh, inü kinchoh!” Tüsho anihbuhnü api kingaün.

YUNIRÜBO RHIMO 10:14

Tüshe Peternü tha, “Yung, Atungpuh; tümüde tümükhüh amünean yungsho amümüsüh inü küyimkishe mütsühakheah.”

YUNIRÜBO RHIMO 10:25

Küyimki Peter yüzahkhea, Kornelianü khukningbah api kingaün.

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.