MATHI 8:10 - AMÜSÜH HÜM CL Bible (BSI)

¹⁰ Küyimki Jisunü ha sokhea, api müyinsah tüsho api dunglim yanrübo ki tha, “Inü nüsa ki thiyuro thachoh, ha ruk akin ato lakhi inü Israel ching müngü.

MATHI 8:10 Iomraidhean Croise

THRÜNTAN 43:33

Tüsho arünü adüjibuhnü akheambuh khiungde zübekhi ayannü akhinashu thsüde api miki bin; tüsho arübonü arü akhinashunü abinkhi ngüchoki müyinsahde khülangnü khülang kheahachih.

MATHI 15:28

Judüki Jisunü alo tüsho alibe ki tha, “O aliberü, nü akin tolah! Nünü alunekhi mülüjihdo.” Tüsho atsührübe ju kim chingnü nguabah.

MATHI 8:11

Tüsho aniakhiuklim le aniyüzahlimnü ahihdo arübah yinmi kiulongthsü ching Abraham, Isak, tüsho Jakob ki binbah de inü nüsa ki thachoh.

MATHI 8:9

Tümüde I she I kumung atorü bukkhüp lakhi mihtsürü khülang, tüsho I bukkhüp bonungrübo lah. Inü khülang ki, ‘Yüang,’ de thasho api yüchoh, tüsho khülang ki, ‘Arang,’ de thasho api arüchoh. Inü I yamlarü ki, ‘Ha rhimoang,’ de thasho apinü rhimochoh.”

MARK 6:6

Arü mükinkhi dünkheak apinü müyinsah. Jushu apinü kiulongbo ching thsangyude mükamde yü.

LUKNÜ ATHRÜTKHI THIYUSHEAK-ATSÜ HUHTANYU 5:20

Tüsho apinü arü akin ngübah tha, “Mihtsürü, nü neakbo bahjihdo.”

LUKNÜ ATHRÜTKHI THIYUSHEAK-ATSÜ HUHTANYU 7:50

Tüsho apinü alibe ki tha, “Nü yo akinnü nü khümkhitdo; mungtsü chingnü tsoang.”

LUKNÜ ATHRÜTKHI THIYUSHEAK-ATSÜ HUHTANYU 7:9

Küyimki Jisunü ha sokheanü apinü anihbuh ki müyinsah, tüsho rholobah api dunglim yankhi boto ki tha, “Inü nüsa ki thachoh, Israel ching she akin ha ruk inü müngü.”

YUNIRÜBO RHIMO 2:7

Judüki arü alala rukhühnü müyinsahde khülangnü khülang ki tha, “Kheahang, harü alalanü Galileerü yu thachoh yung de?