MATHI 7:29 - AMÜSÜH HÜM CL Bible (BSI)

²⁹ tümütüsho apinü arü yakzan thsangyurübo ruk yungde thiyukhüm-sühmüh larü khülang nangde arü ki thsangyu.

MATHI 7:29 Iomraidhean Croise

T H S AN GYU T H S AN GR ARÜ 8:4

Tümüde kiulongthsüpuh yu wu lah, tüsho shepünü api ki thakhukpü, “Nü tümü thsücho?”

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 5:20

Tümüde nüsa thiyurolungkinü Pharisirü tüsho yakzan thsangyurü müzhihosho tsükjide yinmi kiulongthsü ching müyüzah de inü nüsa ki thachoh.

MATHI 5:28

Tüshe khürünü aliberü kheak mürühde kheahsho api mulong chingnü anihbe kheak müzammüramdo de inü nüsa ki thachoh.

MATHI 5:32

Tüshe inü nüsa ki thapü ju khürünü yamkhün ching thiyuro mülakhi kheak hode nihbuh niuberü bahsho alibe ju müzammüramrü kamshihchoh, tüsho shepünü abahkhi liberü lubanü müzammüram yihbeakchoh.

MATHI 5:44

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang,

MATHI 7:28

Küyimki Jisunü harü yubo thakhamkhea, apinü thsangyukhi ching yimto atonü müyinsah,

MATHI 8:1

Küyimki api müzüng kheaknü akikhea, yimto atonü api yande yü.

LUKNÜ ATHRÜTKHI THIYUSHEAK-ATSÜ HUHTANYU 20:8

Jisunü tha, “Tümü thiyukhüm-sühmühnü inü harü rhimochonü inü she nüsa ki mütha.”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.