MATHI 7:28 - AMÜSÜH HÜM CL Bible (BSI)

²⁸ Küyimki Jisunü harü yubo thakhamkhea, apinü thsangyukhi ching yimto atonü müyinsah,

MATHI 7:28 Iomraidhean Croise

MUNGSHIKHÜN 45:2

Nü a mihtsürü tsührü bolung akhamkhi lah; nü münküp kheak mihmüthsüm bukkih; jumonü Thrünpuhnü lünnü nü müngühjihbah.

MATHI 11:1

Jisunü api jingyanrü thürükheak mahne ki thsangdankham dunglim, apinü Galilee kiutobo ching thsangyupü tüsho thsangyuthsangrapü ju chingnü yü.

MATHI 19:1

Küyimki Jisunü harü thakhamkhea, apinü Galilee chingnü chamachih tüsho Jordan hobah Judea lomi ching arü.

MATHI 22:33

Tüsho küyimki botonü ju sokhea, arünü api thsangyukhi müyinsah.

MATHI 26:1

Küyimki Jisunü harü alala thakhamkhea, apinü ajingyanrübo ki tha,

MATHI 7:27

Tsüng arü, ayungbo düchi arü, apungbo yün tüsho ju yam kheak nim tüsho ju keamabah; ju lungkhi atrebe lakheah.”

MATHI 7:29

tümütüsho apinü arü yakzan thsangyurübo ruk yungde thiyukhüm-sühmüh larü khülang nangde arü ki thsangyu.

MARK 1:22

Tüsho apinü thsangyukhi ching mihtsürübonü müyinsah, tümüde apinü thiyukhüm-sühmüh lakhi khülang nangde thsangyu.

MARK 11:18

Tüsho yakzan thsangyurübo le amükeam putungrübonü ju sobah api laksahpü rük yim; arünü api trede alakheah, tümütüsho mihtsürü alalanü api thsangyukhi kheak müyinsahde alakheah.

MARK 6:2

Tüsho küyimki Amuni arükhea, apinü sinagog ching thsangyupü tankih. Tüsho ahihkhühnü api yu sobah müyinsah, “Ha mihtsürünü hadürü tümü chingnü angükhea? Tüsho apinü hadürü khinthiyinbe rhimopü thsüde api kilim lümlung jihkhi ha tümü a?

LUKNÜ ATHRÜTKHI THIYUSHEAK-ATSÜ HUHTANYU 19:48

tütüshe arünü tümü müthsükhuk; tümütüsho mihtsürü alalanü khide mulong jide api ki anide alakheah.

LUKNÜ ATHRÜTKHI THIYUSHEAK-ATSÜ HUHTANYU 2:47

tüsho api anikhitkhi tüsho alokhi sorü alalanü müyinsah.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

LUKNÜ ATHRÜTKHI THIYUSHEAK-ATSÜ HUHTANYU 4:32

tüsho apinü thsangyukhi ching arünü müyinsah tümüde apinü thiyukhüm-sühmüh lade tha.

LUKNÜ ATHRÜTKHI THIYUSHEAK-ATSÜ HUHTANYU 7:1

Mihtsürü alalanü sode api yu thakhamshu, apinü Kapernaum ching yüzah.

JOHAN 7:15

Tüsho Jihudarübonü müyinsahde tha, “Ha mihtsürü küyimkishe mükhele küde thsah athrütkhi mükheahla?”

JOHAN 7:46

Atorübonü alo, “Mihtsürü shenü she ha mihtsürü ruk masuk!”