MATHI 7:21 - AMÜSÜH HÜM CL Bible (BSI)

²¹ “Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

MATHI 7:21 Iomraidhean Croise

MATHI 12:50

Tümütüsho sherünü yinmi ching I Buh lümkhi rhimochonü I khiung, I chi tüsho I be ah.”

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 18:19

“Kheaküshe inü nüsa ki thachoh, arünü tümükhüh keokhikhi dünkheak alomi kheak nüke mahne arihsho, yinmi ching labuh I Buhnü arü thsungkheak rhimojihbah.

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

MATHI 18:35

Junangde nüsanü nüsa mulong chingnü nüsa keoniorü neak mübahjihsho, yinmi ching labuh I Buhnü nüsa mihbüm aban ki rhimobah.”

MATHI 19:24

Kheaküshe inü nüsa ki thachoh, alarü mihtsürü khülangnü Thrünpuh kiulongthsü ching yüzahpü kheaknü a kemelnü dübean-ku chingnü chinkhitde ahokhi athülihbe ah.”

MATHI 25:10

Tüsho küyimki athulopü yükhea, yamkhün-kamrü arü, tüsho thsakhama larübo ju api leangpü arhangrü thünio ching yüzah; tüsho khimdopü rihabah.

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 26:42

Apinü mahne kipü yülo tüsho tamkhüntamnüde tha, ‘O Abuh, inü muyungde ha pung luakhinbah mutsokhuksho, nü lümkhi thsang.’

MARK 3:35

Tümütüsho shepünü Thrünpuh lümkhi rhimochonü I khiung, I chi tüsho I be ah.”

MARK 9:47

Tüsho nü müknü neak yihbeakshihsho, ju khünkhita bahang. Mük mahne kihbah athsümüchi motru ching jipyukpü dün a, mük khülang kihbah Thrünpuh kiulongthsü ching yüzahkhi atsübe–

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

LUKNÜ ATHRÜTKHI THIYUSHEAK-ATSÜ HUHTANYU 13:25

Küyimki thüyam putungrünü khülang ki asürübah khimdopü ju arihba, nüsanü wungdo zhipbah thrungde athabah, ‘Atungpuh, Atungpuh, isa thsungkheak khimshuhjang,’ tüsho apinü nüsa ki thabah, ‘Nüsa küchingnüanü inü nüsa mümükheah,’

LUKNÜ ATHRÜTKHI THIYUSHEAK-ATSÜ HUHTANYU 18:25

Tümüde alarü mihtsürü khülangnü Thrünpuh kiulongthsü ching yüzahpü kheaknü a kemelnü dübean-ku ching hokhi athülihbe ah.”

LUKNÜ ATHRÜTKHI THIYUSHEAK-ATSÜ HUHTANYU 6:46

“Tümüde nüsanü I ki Atungpuh, Atungpuh de jichoh, tüshe inü nüsa ki thakhi mürhimocho?

JOHAN 14:7

Nüsanü I mükheahkhülaa, I Buh she mükheah-a labah; tüsho kheakünü rünbah nüsanü api mükheahlah tüsho api ngüdo.”

JOHAN 15:23

Shepünü I thraneanchonü I Buh she thraneanchoh.

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

JOHAN 5:17

Tüshe Jisunü arü ki alo, “I Buhnü kheakü khiungde rhimochoh, tüsho I she rhimochoh.”

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

ROMRÜ KILIM PAULNÜ ATHRÜTKHI KIHÜM HUHTANYU 2:13

Tümüde Thrünpuh miki thiyuro-lungkirü ju yakzan anirü yung, tüshe alim mütsanpü larü ju yakzan yande arhimorübo lah.

EFISIA 6:6

mihtsürü asühshihrü nangde müknü angükhi tankihkhi limro ching yung, tüshe Khrista tankihrü nangde mulong chingnü Thrünpuh lümkhi rhimode,

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 4:3

Nüsa tsangkhitpü ju Thrünpuh lümkhi lah: junangde nüsanü müzammüram bahkhibeah;

1 TESALONIKA 5:18

kuhi alala ching makshe jihang, tümüde ha nüsa thsungkheak Jisu Khrista ching Thrünpuh lümkhi ah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

IBRI 4:6

Jumonü ju sühakhim ching khürü yüzahpü kheaküshe aninga lah, tüsho sherünü akhuhlim thiyusheakatsü leangkhikheanü arü mihyumanikhi hode müyüzah,

JAKOB 1:22

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

1 PETER 2:15

Tümüde alim rhimokhinü makha mihtsürü yakli mümükheahde athakhi nüsanü zhikde akamshihpü Thrünpuh lümkhi lah.

1 PETER 4:2

junangde kheaküa aningkhi api alomi rhangdung ju mihtsürünü akünkhinü yung tüshe Thrünpuh lümkhinü lachoh.

AMIKHEAKAKHIUKKHI 2:27

tüsho apinü yinchi tsonü arü yakzan shuhbah; alo phüh adütre kamde ayihthünakkhi nangde alabah–I she I Buh kilimnü wu leangkhia lah;

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

AMIKHEAKAKHIUKKHI 3:5

Shepünü akuk ngüchonü arü nangde amüye yihbah. Inü küyimkishe rhangdung hüm chingnü api mung nankhita mübah, tüshe I Buh tüsho api yunirübo miki inü api mung khipkhitbah.