MATHI 7:2 - AMÜSÜH HÜM CL Bible (BSI)

² Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

MATHI 7:2 Iomraidhean Croise

2 SAMUEL 21:5

Arünü kiulongthsüpuh ki tha, “Israel lomi ching isa lapung mülashihpü thsüde, mihtsürü shepünü isa tsühabahkhea tüsho isa thsümünimpü lümkhi thsükhea–

MUNGSHIKHÜN 109:17

Apinü muthrumünean muzhokhi nangde, api kheak ju arüshang; apinü müngühmühi ching masühkhi nangde, api kheak ju limshushang.

ABEKHIT 21:24

mük müthri mük, hü müthri hü, khah müthri khah, jing müthri jing,

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

MATHI 6:14

“Tümüde nüsanü mihtsürübo neak bahjihsho, yinmi ching nüsa Abuhnü nüsa neak bahjihbah.

MARK 4:24

Tüsho apinü arü ki tha, “Nüsanü tümü sochonü mulong jihang, Nüsanü adünkhi yande, nüsa kilim adüna jihbah; tüsho nüsa sherünü anichonü, alü she ajihbah.

LUKNÜ ATHRÜTKHI THIYUSHEAK-ATSÜ HUHTANYU 6:38

jihang, tüsho ju nü kilim jihbah; tsüde adünde, nimde, niukarihde, müleamkhiukde nü khah ching jihbah. Tümütüsho nünü adüna jihkhi chingnü nü adünloa angübah.”

2 KORINT 9:6

Shepünü nükde ahiubanü nükde yimlubah, tüsho shepünü hihde ahiubanü pheangde ayimlubah de lümkhitang.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 18:6

Anihbenü ajihkhi nangde anihbe ki jihang; tüsho anihbe rhimobo dün alü thsüde athrihloang; anihbe khilim alü thsüde müküpde pung ching dungyukjang.

MAHKHAPRÜ 1:7

Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.

MAHKHAPRÜ 5:27

Ajing kheak api keam,api lungabah; ju ching api yap. Ajing kheak api keam, api lungabah; api küching keamkhea, ju ching api sheabah. @SP ACE=

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.