MATHI 6:27 - AMÜSÜH HÜM CL Bible (BSI)

²⁷ Nüsa shepünü mulong rozhakkhinü anükhüh shangde alapü kukla?

MATHI 6:27 Iomraidhean Croise

T H S AN GYU T H S AN GR ARÜ 3:14

Tümüpürü Thrünpuhnü thsüchonü lünnü tsüpde alabah de inü mükheahlah; tümü she ju ching muyukajakkhuk, yungsho ju chingnü tümükhüh she müyihkhit; Thrünpuhnü ha rhimodo, junangde alalanü api miki trede azhipbah.

MATHI 5:36

Tüsho nü ku tamde thiyuchihchim düthsü, tümüde nünü kuyü büm khülang she amüye yungsho amürak thsüthsü müthrünkhuk.

MATHI 6:25

“Jumonü inü nüsa ki thachoh, nüsa tümü tsühba yungsho tümü yungba (yungsho nüsa pang kheak tümü phuyuba) de nüsa rhangdung thsungkheak mulong düsansan. Rhangdung ju tsühyungbe kheaknü adungtobe tüsho pang ju khimmih kheaknü adungtobe yung de?

MATHI 6:28

Tüsho tümüde nüsanü khimmih thsungkheak mulong sansancho? Mütüm thrilung sangbünbo künangde tochonü kheahang. Arünü mürhimo yungsho müchiyim.

MATHI 6:31

Jumonü mulong sansande dütha, ‘Isa tümü tsühba yungsho isa tümü phuyuba?’

MATHI 6:34

Jumonü shido thsungkheak mulong düsansan, tümüde shidonü shido thsungkheak mulong sansanbah. Nimung aban küpkhuk suhde lah.

LUKNÜ ATHRÜTKHI THIYUSHEAK-ATSÜ HUHTANYU 10:41

Tüsho Jisunü alibe ki alo, “Martha, Martha, rhimo hihkhi dünkheaknü nü mulong kipathsükdo tüsho küpkhukdo;

LUKNÜ ATHRÜTKHI THIYUSHEAK-ATSÜ HUHTANYU 12:11

Küyimki arünü nü sinagogbo ching tüsho yakzanshuhrü le thiyukhüm-sühmüh larü ki bedarübanü küde aloba yungsho tümü thaba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 12:22

Tüsho apinü ajingyanrübo ki tha, “Jumonü inü nüsa ki thachoh, nüsa rhangdung thsungkheak tümü tsühba yungsho nüsa pang thsungkheak tümü phuyuba de mulong düsansan.

1 KORINT 12:18

Tüshe kheakü Thrünpuhnü apinü amulongkhi nangde pang ching achamnakbo büthsüthsü zojih.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

1 PETER 5:7

Nüsa lümthsünübo alala api ki zojang, tümüde apinü nüsa kümchoh.