MATHI 6:25 - AMÜSÜH HÜM CL Bible (BSI)

²⁵ “Jumonü inü nüsa ki thachoh, nüsa tümü tsühba yungsho tümü yungba (yungsho nüsa pang kheak tümü phuyuba) de nüsa rhangdung thsungkheak mulong düsansan. Rhangdung ju tsühyungbe kheaknü adungtobe tüsho pang ju khimmih kheaknü adungtobe yung de?

MATHI 6:25 Iomraidhean Croise

MUNGSHIKHÜN 55:22

Atungpuh kheak nü hahmülang zojang, tüsho apinü nü tsunglobah; apinü küyimkishe thiyuro-lungkirü matrütshih.

JEREMIA 45:5

Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”

MATHI 10:19

Tüshe arünü nüsa ramchoki nüsanü küde athaba yungsho tümü thaba de mulong düsansan. Tümütüsho nüsanü tümü thabeanü ju kim ching nüsa kilim jihbah;

MATHI 13:22

Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 6:31

Jumonü mulong sansande dütha, ‘Isa tümü tsühba yungsho isa tümü phuyuba?’

MATHI 6:34

Jumonü shido thsungkheak mulong düsansan, tümüde shidonü shido thsungkheak mulong sansanbah. Nimung aban küpkhuk suhde lah.

MARK 13:11

Tüshe küyimki arünü nüsa rama jihbanü, akhuhlimnü mulong düsansan, yungsho nüsanü tümü thabaki de dülüm. Tüshe ju kim ching tümüpürü nüsa ki lümkhitshihbanü ju thaang; tümüde athabuh ju nüsa yung, tüshe Amüsüh Me ah.

MARK 4:19

tüsho ha lomi mulong sansan, lakhitbo muzhokhi, tüsho püpü yihnelunekhinü thiyu ju khüpsahshihchoh, tüsho ju aso masokhi kamchoh.

LUKNÜ ATHRÜTKHI THIYUSHEAK-ATSÜ HUHTANYU 12:11

Küyimki arünü nü sinagogbo ching tüsho yakzanshuhrü le thiyukhüm-sühmüh larü ki bedarübanü küde aloba yungsho tümü thaba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 8:14

Tüsho ayangrung bolung hiuyukkhi ju, sherünü sobah nihbuh lümkhi ching yüchonü, lakhitbo tüsho rhangdung asühakobonü khüpdoshihchoh, tüsho arü sangaso müzamchoh.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

1 KORINT 7:32

Inü nüsa mulong sansan chingnü zuzu kamshihnelah. Yamkhün mükamkhi mihtsürünü künangde Atungpuh asühshihbanü de Atungpuh rhimo dünkheak mulong sansanchoh;

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

2 TIMOTHI 2:4

Bonungrü shenü she püpü boto rhimo ching marahrungchoh, tümütüsho apinü nihbuh limthorü atorü asühshihpü mulongchoh.

1 PETER 5:7

Nüsa lümthsünübo alala api ki zojang, tümüde apinü nüsa kümchoh.