MATHI 6:24 - AMÜSÜH HÜM CL Bible (BSI)

²⁴ “Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

MATHI 6:24 Iomraidhean Croise

THRÜNTAN 47:17

Jumonü arünü arü shiwühbo Josep kilim hande arü, tüsho Josepnü arü kilim khorabo, mihnubo, moshibo tüsho donkibo müthri tsühyungbe jih. Hanangde apinü arü shiwühbo müthri ju kam arübo tsühyungbe ahiuh-a jih.

1 KIULONG THSÜRÜ 18:21

Judüki Elijanü mihtsürübo alala thüninde arü tüsho tha, “Nüsa külokhüh lümkhi mahne dükeak leamba le? Mürangkhüh Atungpuh ju Thrünpuh a sho api yanang; tüshe Baal thsüa lasho, api yanang.” Mihtsürübonü api ki thiyu bümkhüh she malo.

2 KIULONG THSÜRÜ 17:41

Jumonü harü trükshihbonü Atungpuh kingaün, tüshe arünü athsükhi sangthsübo she tankih; khihni khiungde arü tsührübonü tüsho arü tsührü tsührübonü arü jipürünü arhimokhi nangde mutuklode rhimochoh.

EZEKIEL 20:39

Nü thsungkheaknü, O Israel yamkhün, Wuto Atungpuhnü ha thachoh: Nüsa mihbüm abannü yüang tüsho nüsa sangthsübo tankihang! Tüshe ju dunglim tsükjide nüsanü I ki anibah tüsho kheaküa nüsa thsambahbo le nüsa sangthsübonü I mung amüsüh mümüneanjih.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

LUKNÜ ATHRÜTKHI THIYUSHEAK-ATSÜ HUHTANYU 16:11

Jumonü nünü alomi lakhit ching thiyuro mülakheasho, shepünü nü kilim thiyuro lakhit jihpü?

LUKNÜ ATHRÜTKHI THIYUSHEAK-ATSÜ HUHTANYU 16:13

Yamlarü shenü she atungrü mahne mütankihkhuk; tümüde apinü khülang thraneanbah tüsho püpü amuzhobah, yungsho apinü khülang ki mulong jihbah tüsho püpü abahyukbah. Nüsanü Thrünpuh tüsho lakhit mütankihkhuk.”

LUKNÜ ATHRÜTKHI THIYUSHEAK-ATSÜ HUHTANYU 16:9

Inü nüsa ki thachoh, nü thsungkheaknü alomi lakhit ju nü müyamrübo alü thsüpü rhimoang, junangde küyimki ju mülade akambanü, akheam müla lapungbo ching nü beyukbah.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”