MATHI 6:2 - AMÜSÜH HÜM CL Bible (BSI)

² Jumonü nüsanü müthsümülarü ki jihchungchoki, mihtsürübonü wüntre jihshihpü yiuhkhaprübonü sinagogbo tüsho kiudunglimrobo ching rhimokhi nangde hulipung-pungbo dükhung. Inü nüsa ki thiyuro thachoh, arü thsambah ngüabahdo.

MATHI 6:2 Iomraidhean Croise

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MUNGSHIKHÜN 37:21

Mihbukmuyuknü shonip luchoh, tüsho müshaklochoh, tüshe thiyuro-lungkirü a salade lah tüsho jihchoh;

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

T H S AN GYU T H S AN GR ARÜ 11:2

Nü shihcham thüne, yungsho tizheah chamnakang, tümüde alomi kheak thsümütsü tümü arübanü nünü mümükheah.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 58:7

Nü yikhap ju akhümrü kippü tüsho thüyam mülarü zhochihrü nü yam ching bedarüpü yung de; küyimki nünü bünkeang ngübanü, arü yihdojihpü tüsho nü keoniorü kheaknü nü müjikpü yung de?

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

MATHI 15:7

Nüsa yiuhkhaprübo! Isaianü nüsa dünkheak müchitkhi dükdü ah:

MATHI 16:3

tüsho yapsu thachoh, ‘Tsüng arüpü lah, tümüde thüning mürümdo tüsho lukkhüplah.’ Yiuhkhaprübo! Nüsanü thüning kheahbah nimung müchitkhuklah tüshe amütsan kimbo a müthakhuk.

MATHI 22:18

Tüshe Jisunü arü lümkhi amütsü mükheahbah tha, “Nüsa yiuhkhaprübo, tümüde nüsanü rükakicho?

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

MATHI 23:6

tüsho arünü aniojikhi ching wüntre dangpung tüsho sinagogbo ching atsüdak binkiubo mükühchoh;

MATHI 24:51

api adütre kamde akhapnakbah tüsho yiuhkhaprü lung chamyukjihbah. Ju ching atripkhi tüsho hü mütrütkhi labah.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

MATHI 6:3

Tüshe nünü müthsümülarü ki jihchungchoki, nü khah tsülimnü arhimokhi nü khah huzulimnü dümükheahshih,

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

MATHI 7:5

Yiuhkhaprübo! Akhuhde nü mük ching lakhi aneak yihkhita bahang, tüsho jushu nü keoniorü mük ching lakhi aneak mütsande angübah.

MARK 12:39

sinagogbo ching atsüdak binkiubo, tüsho atsüdak thünio dangpungbo mükühcho,

MARK 7:6

Apinü arü ki alo, “Isaianü nüsa yiuhkhaprübo dünkheak müchitkhi dükdüa ah, ha thrüta lah: ‘Harü mihtsürünü arü münbonü I wüntre jihchoh, tüshe arü mulong a I kheaknü limshulah.

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

LUKNÜ ATHRÜTKHI THIYUSHEAK-ATSÜ HUHTANYU 11:43

Nüsa Pharisirübo are! Tümütüsho nüsanü sinagog ching binkiu atsübe tüsho yinzüyindopung ching salüm jihshihpü mürühchoh.

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

LUKNÜ ATHRÜTKHI THIYUSHEAK-ATSÜ HUHTANYU 12:56

Yiuhkhaprübo! Nüsanü thüning tüsho alomi miro kheahkhitlah, tüshe tümü thsükhi nüsanü ha kim amütsan mümükheah le?

LUKNÜ ATHRÜTKHI THIYUSHEAK-ATSÜ HUHTANYU 13:15

Judüki Atungpuhnü api ki alo tüsho tha, “Nüsa yiuhkhaprübo! Nüsa mihbüm abannü Amuni moshipung yungsho donki ayam chingnü trünkhia kemüyihjihpü bede müyücho de?

LUKNÜ ATHRÜTKHI THIYUSHEAK-ATSÜ HUHTANYU 20:46

“Yakzan thsangyurübo dünkheak kümkangang, sherünü shulünkhim yihbah atsahpü küncho, yinzüyindo dangpungbo ching salüm jihshihpü, sinagogbo ching binkiu atsübo, tüsho thüniobo ching atsübe dangpungbo mükühcho,

LUKNÜ ATHRÜTKHI THIYUSHEAK-ATSÜ HUHTANYU 6:24

“Tüshe nüsa alarübo are, tümüde nüsanü nüsa mulong sühakhim ngüdo.

LUKNÜ ATHRÜTKHI THIYUSHEAK-ATSÜ HUHTANYU 6:42

Yungsho nü mük ching lakhi aneak nünü müngüde nü keoniorü ki nü mük ching lakhi aneak inü yihkhitjihanü de küde thsah athakhukba? Nüsa yiuhkhaprü, akhuhde nü mük ching lakhi aneak yihkhita bahang, jushu lang nü keoniorü mük ching lakhi aneak nünü mütsande angübah.

JOHAN 13:29

Tümüde Juda ju sho qiuqiu lamonü thünio thsungkheak arü yihnüpü thulopü yungsho apinü tümükhüh zhochihrü kilim jihpü Jisunü api ki thakheah de khürünü lüm.

JOHAN 5:41

Mihtsürü kilimnü inü wüntre müleangkhichoh.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

YUNIRÜBO RHIMO 10:2

Api ju shuhmülanga jihrü, api yamkhün alalanü Thrünpuh trede, zhochihrübo kilim arung jihde, tüsho mutukzhakde Thrünpuh ki tamkhüntamnüde alakheah.

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

YUNIRÜBO RHIMO 24:17

Kam anükhüh dunglim inü I yo trükshih kilim arung tüsho kingaün jihpü arü.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

ROMRÜ KILIM PAULNÜ ATHRÜTKHI KIHÜM HUHTANYU 12:8

shepünü tuthsukchonü, apinü atuthsukkhi ching; shepünü rungzürungdochonü, salakhi ching; shepünü limbechonü, jinjihde; shepünü mihmüthsüm huhchonü, asühsahdo rhimoang.

1 KORINT 13:3

Inü I lakhi alala zhochihrü kilim jihabahbah she, tüsho I pang atakpü jihjih she, amuzho mülasho, I alü müla.

GALATIA 2:10

Arünü akeokhikhi ju inü arhimopü mulongde alakhi isanü mutukzhakde zhochihrü lümkhitpü lakheah.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TESALONIKA 2:6

yungsho isa Khrista amüsühthsangyurü thsümonü nüsa ki kheangzükheangdoa lalashe, mihtsürü kilimnü, nüsa yungsho püpürü kilimnü isa mungshi müyim.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

PHILEMON 1:7

Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”