MATHI 6:19 - AMÜSÜH HÜM CL Bible (BSI)

¹⁹ “Ari le thrungnü atsühpung tüsho ahührünü chakashungde yüzahbah ahühpü lakhi alomi kheak nüsa lakhitbo dühanmukhung;

MATHI 6:19 Iomraidhean Croise

JOB HU H T ANYU 24:16

Animung arünü kheahyuka zokhi azhing ching arünü thüyambo chakchoh; arünü ayin mümükheah.

JOB HU H T ANYU 31:24

Inü suna kheak mulonglama lasho, yungsho atsüdak suna kheak I mulongram de thaa lasho;

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

ABEKHIT 22:2

Ahührü khülang chakashungde azahkhi ngübah kinga sheshihsho, api thiyih bukkhi dünkheak amülim tümü müla.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MÜCHITMUDU 16:16

Suna kheaknü lümlung ngükhi küdükhüh she atsü! Tüsho shotoyinchi kheaknü anikhitkhi ngüpü mokhitbeah.

T H S AN GYU T H S AN GR ARÜ 2:26

Tümüde shepünü api asühshihchonü Thrünpuhnü lümlung, mükheahmudu tüsho asühpü jihchoh; tüshe aneakrü kilim a Thrünpuh asühshihrü kilim jihshihpü lang, apinü hanmukhungpü tüsho wumujungpü rhimo jihchoh. Ha she akeangkeang tüsho apung dunglim müshamkhi khülang ah.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

MATHI 19:21

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

MATHI 6:20

tüshe ari le thrungnü tsühamübah yungsho ahührünü chakashungde yüzahbah mahühpü lakhi yinmi ching nüsa lakhitbo hanmukhungang.

LUKNÜ ATHRÜTKHI THIYUSHEAK-ATSÜ HUHTANYU 12:21

Jumonü shepünü nihbuh thsungkheak lakhit zomukhungchonü, Thrünpuh kilim alarü yung.”

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

LUKNÜ ATHRÜTKHI THIYUSHEAK-ATSÜ HUHTANYU 12:39

Tüshe ha mükheahang, thüyam putungrünü ahührü arüpü kim mükheahkhülaa, apinü aheangde alabah tüsho api yam müchakashungshih.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 18:24

Tüsho küyimki Jisunü api khide mulong rozhakkhi ngükhea, apinü tha, “Lakhit larünü Thrünpuh kiulongthsü ching yüzahpü küdükhüh she chakla!

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”