MATHI 5:7 - AMÜSÜH HÜM CL Bible (BSI)

⁷ Mihmüthsümrü asühpü, tümüde arü ki mihmüthsüm huhbah.

MATHI 5:7 Iomraidhean Croise

2 SAMUEL 17:28

yapkiubo, müsühmüraphurubo, tüsho alo phühbo, wheat hi, barli, ayikangkang, angukhi hi, hühkeangbo tüsho müngrhühbo,

2 SAMUEL 22:26

Thiyuro lakhi kheak nünü thiyuro lakhi huhchoh, amülim mülakhi kheak nünü amülim mülakhi huhchoh;

MUNGSHIKHÜN 112:4

Alungkirü kilim amiting ching ayin akhiukbah; api amüthsüm lah, muzhomüyi tüsho thiyuro-lungkinü milah,

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

MUNGSHIKHÜN 18:25

Thiyuro larü ki nünü thiyuro lade huhchoh; amüdopü mülakhi mihtsürü ki nünü amüdopü mülade huhchoh;

MUNGSHIKHÜN 37:26

Api lünnü amüthsüm lah, tüsho püpürü ki nipjihde lachoh; tüsho api tsühsoniusobo müngühmühia lah.

MÜCHITMUDU 11:17

Amüthsüm lakhi mihtsürünü nihbuh me atsü thsungkheak rhimochoh, tüshe shepü bukmükenü nihbuh kheak küpkhuk hande arüchoh.

MÜCHITMUDU 11:25

Salarü mihtsürü lalim tsüde akambah; shepünü püpürü rungbanü nihbuh runglobah.

MÜCHITMUDU 14:21

Shepünü nihbuh yamhingrü mükhemükimchonü neak yihbeakchoh; tüshe shepünü zhochihrü kheak amüthsüm lanü, api a asühpü.

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

ISAIA 57:1

Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh,

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

HOSEA 1:6

Alibe mübünkeanglode kam tüsho tsührü aliberü khülang zübejih. Judüki Atungpuhnü api ki tha, “Alibe mung Lo-ruhama de jiang, tümüde kheaküa inü Israel yamkhün mümuzho yungsho arü neak mübahjih.

HOSEA 2:1

Nü khiung ki, “ I mihtsürü,” tüsho nü chi ki, “ Inü amuzhokhi,” de jiang.

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MARK 11:25

Tüsho küyimki nü zhipbah tamkhüntamnüba, khürü kheak nü azhihkhi tümükhüh lasho, api neak bahjang, junangde yinmi ching nü Buhnü she nü neak bahjihbah.

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

ROMRÜ KILIM PAULNÜ ATHRÜTKHI KIHÜM HUHTANYU 11:30

Khülangki nüsanü Thrünpuh ki mihyumanide lado tüshe kheakü arünü mihyumanikhi hode nüsanü mihmüthsüm leangkhido,

1 KORINT 7:25

Kheakü yamkhün mükamrü dünkheak Atungpuh yukhüm müla, tüshe Atungpuh mihmüthsüm mulonglam hode I lümkhi jihchoh.

2 KORINT 4:1

Jumonü Thrünpuh mihmüthsüm hode ha tankihpü lakhinü, isa mulong müninichoh.

EFISIA 4:32

tüsho Khrista ching Thrünpuhnü nüsa neak bahjihkhi nangde khülangnü khülang neak bahachihde, amuzho mulongnü khülangnü khülang muzhoachihang.

KOLOSI 3:12

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang,

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.

1 TIMOTHI 1:16

tüshe I aneakrü bolung amütsübe kheaknü, api kheak lün rhangdung thsungkheak kinpü larü ki amütsan thsungkheak Jisu Khrista azhihayihkhi huhpü thsüde inü ha mihmüthsüm leangkhi.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 PETER 2:10

Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.