MATHI 5:6 - AMÜSÜH HÜM CL Bible (BSI)

⁶ Thiyuro-lungki thsungkheak khümkethürirü asühpü, tümüde arü bukthsübah.

MATHI 5:6 Iomraidhean Croise

MUNGSHIKHÜN 107:9

Tümüde apinü kethürikhi reangkeamshihchoh tüsho akhümkhi atsünü bukthsüshihchoh.

MUNGSHIKHÜN 145:19

Apinü anihbuh trerünü amulongkhi dünjishihbah; apinü arü zhikhi she asojihbah tüsho arü khümkhitbah.

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 63:5

Shihkhiuk tüsho amüdang tsühkhi nangde I me reangkeambah, tüsho I münnü asühachihde nü shibah.

MUNGSHIKHÜN 65:4

Mihtsürü shepü nünü mokhitcho tüsho nü arüngakopung ching lapü thüninde bedarüchonü müngühmühi! Nü yam kukruk atsübo, nü amüsüh arüngyam müngühmühibonü isa reangkeambah.

MUNGSHIKHÜN 84:2

Atungpuh arüngyam thsungkheak I menü künsahde kamchoh; I mulong tüsho I shihnü arhang Thrünpuh thsungkheak zhichoh.

MÜCHITMUDU 10:24

Mihbukmuyuknü tümü trechonü api kheak arübah; thiyuro-lungkirünü tümü lunechonü amülüjihbah.

MÜCHITMUDU 21:21

Shepünü thiyuro-lungki tüsho amüthsüm yimchonü rhangdung tüsho wüntrepü ngüchoh.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 41:17

Küyimki zhochihrü tüsho müthsümülarünü ke yimba, tüshe ju ching mülaba, tüsho kethürinü arü mulo kungba, I Atungpuhnü arü ki alobah, I Israel Thrünpuh nü arü mübahyuk.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

ISAIA 66:11

Junangde nü mütrübah tüsho mulong shukheamkhi khüh kheak reangkeambah; junangde anihbe müretahkhi khüh chingnü asühde duka yungbah.

JEREMIA 31:25

Keakzungrü inü reangkeamshihbah tüsho ayiuhyiuhrü phü yinde kamshihbah.

LUKNÜ ATHRÜTKHI THIYUSHEAK-ATSÜ HUHTANYU 1:53

Apinü khümde alarü atsübonü bukthsüshih, tüsho alarü khah keangkeang tsoshih.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

LUKNÜ ATHRÜTKHI THIYUSHEAK-ATSÜ HUHTANYU 6:25

“Nüsa kheakü suhdahde alarübo are, tümüde nüsa akhümbah. “Nüsa kheakü münede alarübo are, tümüde nüsa atüzhobah tüsho atripbah.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

AMIKHEAKAKHIUKKHI 7:16

Arü kheaküa mükhüm yungsho kemüthüri; aninü yungsho alamlamnü arü mütak.