MATHI 5:46 - AMÜSÜH HÜM CL Bible (BSI)

⁴⁶ Nüsa muzhorü ki nüsanü muzhosho, nüsa tümü thsambah ngüba? Ruk-threrübonü jude rhimochoh yung de?

MATHI 5:46 Iomraidhean Croise

MATHI 11:19

Mihtsürü Tsührü tsühyungde arü, tüsho arünü thachoh, ‘Kheahang, ha ching bukchihrü tüsho amüshangrü, ruk-threrü tüsho aneakrübo müyamrü khülang lah.’ Tüshe Thrünpuh lümlung ju arhimonü alim mütsanchoh.”

MATHI 18:17

Apinü arü yu manisho, borü ki thaang; tüsho apinü borü yu she manisho nüsanü api ju amükinrü yungsho ruk-threrü nangde khejang.

MATHI 5:47

Nüsanü nüsa keoniorübo ki lang asukachihsho, püpürü kheaknü alü nüsanü tümü rhimocho? Amükinrübonü she ju rhimochoh yung de?

MATHI 6:1

“Mihtsürübonü angüshihpü arü miki nüsanü thiyuro-lungki mürhimopü kümkangang. Nüsanü rhimosho, yinmi ching nüsa Abuh kilimnü nüsa thsambah müngü.

MARK 2:15

Küyimki api Levi yam ching yimtsühde alakhea, ruk-threrü ahihkhüh tüsho aneakrübo she Jisu le ajingyanrü lung binde alakheah; tümüde api dunglim yanrü ahihkhüh lakheah.

MARK 2:16

Tüsho küyimki athrütrü le Pharisirübonü ruk-threrü tüsho aneakrübo lung api yimtsühde angükhea, arünü api jingyanrübo ki tha, “Tümü thsükhi apinü ruk-threrü le aneakrübo lung tsühyungcho?”

LUKNÜ ATHRÜTKHI THIYUSHEAK-ATSÜ HUHTANYU 15:1

Judüki ruk-threrü tüsho aneakrübo alala api ki anipü thüninde arü.

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

LUKNÜ ATHRÜTKHI THIYUSHEAK-ATSÜ HUHTANYU 19:2

Ju ching mihtsürü khülang amung Zakai, ruk-threrü atorü, tüsho alarü lakheah.

LUKNÜ ATHRÜTKHI THIYUSHEAK-ATSÜ HUHTANYU 19:7

Tüshe küyimki arünü ju ngükheanü neangneangde tha, “Aneakrü mihtsürü khülang lung hanrü thsüpü api yüdo.”

LUKNÜ ATHRÜTKHI THIYUSHEAK-ATSÜ HUHTANYU 3:12

Ruk-threrübo she baptipü arü, tüsho api ki keokhi, “Thsangyurü, isanü tümü rhimoba?”

LUKNÜ ATHRÜTKHI THIYUSHEAK-ATSÜ HUHTANYU 5:29

Tüsho Levinü api yam ching thünio ato thsü; tüsho ju ching ruk-threrü boto ato tüsho arü lung püpürü dükhüm ki binde alakheah.

LUKNÜ ATHRÜTKHI THIYUSHEAK-ATSÜ HUHTANYU 5:30

Pharisirü le yakzan thsangyurübonü api jingyanrü atsangde tha, “Tümü thsükhi nüsanü ruk-threrü le aneakrü bolung tsühyungcho?”

LUKNÜ ATHRÜTKHI THIYUSHEAK-ATSÜ HUHTANYU 7:29

Küyimki arünü ha sokhea, mihtsürü alala tüsho ruk-threrübonü Thrünpuh alim mütsana lu, tümütüsho arübo ju Johannü baptijihkheah;

LUKNÜ ATHRÜTKHI THIYUSHEAK-ATSÜ HUHTANYU 7:34

Mihtsürü Tsührü yimtsühde tüsho yungde arü; tüsho nüsanü thachoh, ‘Kheahang, bukchihrü tüsho amüshangrü, ruk-threrü tüsho aneakrübo müyamrü!’