MATHI 5:37 - AMÜSÜH HÜM CL Bible (BSI)

³⁷ Tüshe nünü am tüsho am dang, tüsho yung tüsho yung dang; tümükhüh ha hobah lasho ju amütsübe limnü arüchoh.

MATHI 5:37 Iomraidhean Croise

MATHI 13:19

Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

MATHI 5:36

Tüsho nü ku tamde thiyuchihchim düthsü, tümüde nünü kuyü büm khülang she amüye yungsho amürak thsüthsü müthrünkhuk.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

JOHAN 17:15

Arübo alomi chingnü luakhinpü inü nü ki mütamkhüntamnü, tüshe nünü arübo amütsübe chingnü küma lashang.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

EFISIA 6:16

harü kheak khiode, amünean yo motru hühzo alala yihmütkhukpü thsüde akin tsung luang.

KOLOSI 3:9

Khülangnü khülang ki akeangyu dütha, tümütüsho nüsanü awün yakli rhimobo bahdo,

KOLOSI 4:6

Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.

2 TESALONIKA 3:3

Tüshe Atungpuh a thiyuro ah; apinü nüsa düküngshihbah tüsho amütsü chingnü nüsa aheangbah.

JAKOB 5:12

Tüshe keoniorübo, alala kheaknü alü thsüde, yinmi tamde yungsho alomi tamde yungsho püpü thiyuchihchim düthsü, tüshe nüsa Thrünpuh mahkhap khüp müyüzahpü thsüde, nüsanü am a-sho am dang yung a-sho yung dang.

1 JOHAN 2:13

Buhrübo, inü nüsa kilim thrütchoh, tümütüsho shepü atankih chingnü alakheanü nüsanü api mükheahlah. Athrününgtsüngbo, inü nüsa kilim thrütchoh, tümütüsho nüsanü amütsübe chingnü tsokhitdo. Azürübo, inü nüsa kilim thrütchoh, tümütüsho nüsanü Abuh mükheahlah.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 5:18

Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.